Êsêkiên 28:12 - Sơ̆p Hlabơar Nơ̆r 'Bok Kei-Dei

¹² “Ơ kon bơngai, nhơ̆m hmoi kơ pơtao Tirơ bĕ khan kơ sư: ‘Kră Yang khan thoi âu: Ih bơngai đei tôm tơdrong gơh hơgei, 'lơ̆ng rŏ.

Êsêkiên 28:12 Referans Kwoze

Êsêkiên 19:1

Gah ih nhơ̆m hmoi bĕ kơ lu yŏng pơgơ̆r Isơrael

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

I Kor 3:19

Dôm tơdrong hơgei ala teh âu 'Bok Kei-Dei lăng thoi tơdrong kơtul đĕch, kư̆m thoi sơ̆p hla bơar 'Bok Kei-Dei chih khan: “Lu bơngai 'bơ̆r đon, sư wă pơm hơgei gah tơdrong pơm kơnê̆ ră, mă-lei 'Bok Kei-Dei băt hloi.”

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Luka 2:40

Na Yêsu rai đunh rai wơ̆ kư̆m đei jơhngơ̆m pran. Sư kư̆m 'bơ̆r đon hlôh wao tôm tơdrong. 'Bok Kei-Dei lăp đon kơ Sư tơpă tơgŭm Sư ling-lang.

Êsêkiên 32:16

Âu boih tơdrong nhơ̆m hmoi; lu sư gô hơri pôk. Lu kon drŏ-kăn lăm jơ̆p kơ dêh char gô hơri 'bai nhơ̆m hmoi noh, lu sư gô hơri 'bai hơri nhơ̆m hmoi kơ char Êyiptơ. Păng ăn kơ đĭ-đăng kon pơlei lu sư, Kră Yang khan thoi noh.”

Êsêkiên 27:32

Kơplah nhơ̆m hmoi 'mêm kơeng lu sư hmoi jô̆ sơ'ngon kơ ih, hmoi thoi âu: Bu đei tơdrong truh thoi pơlei Tirơ, môch hiong biŏng lăm đak dơsĭ?

Êsêkiên 19:14

Ŭnh lĕch đơ̆ng tơ'bla sư sa đĭ plei noh, thoi noh na ưh pă đei dơng 'lơ̆ng ayơ oei đei, wă yua pơm 'long jra pơtao. Noh tơdrong nhơ̆m hmoi, jing nơ̆r hơri nhơ̆m hmoi.’

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Êsai 10:13

Yua kơ sư khan: “Inh đei pơm bơih tơdrong 'nâu đơ̆ng ti pran kơtang inh. Đơ̆ng tơdrong inh gơh hơgei hlôh wao. Inh đei rĭ tơplih bơih hơdral teh đak lu kon pơlei; Blah iŏk lu tơmam gĭt đơ̆ng anih lu sư mong. Thoi bơngai nuih kơtang, inh đei tơhuŏng bơih lu pơtao đơ̆ng tang-dŏ lu sư.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

Êsêkiên 32:2

“Ơ kon bơngai, athei nhơ̆m hmoi kơ Pharaôn pơtao Êyiptơ, khan bĕ kơ sư: ‘Ih nhen thoi dăm-brang lăm lu dêh char, ih kư̆m thoi sem brem kơnê̆ lăm đak dơsĭ, pơm kơ lu đak glung tơprah, ih wơ̆r đak hăm jơ̆ng, pơm kơ lu đak glung jing gơsŏk.

Bl 3:5

Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a

Êsêkiên 28:11

Kră Yang khan kơ inh:

Êsêkiên 28:15

Đơ̆ng năr pơjing kơ ih, trong ih yak đe ưh kơ đei wă gơh chrih dĭng tơ năr 'bôh tơdrong kơnê̆ truh tơ ih.

Êsêkiên 43:10

Gah ih, ơ kon bơngai athei roi tơ'bôh kơ adrĕch Isơrael băt kơ hnam akŭm âu, wă kơ lu sư mơlâu kơ tơdrong yoch mă lu sư đei pơm, wă kơ lu sư pơtŏ lăng kiơ̆ kơ tơdrong 'nâu.

Sa 9:2

Nơ̆r noh kư̆m pơma kơ Hamat, tơring jê̆ pơlei Đamas, tơ gah Tirơ păng Siđôn, yua kơ lu pơlei noh tih hlôh wao,