Êsêkiên 27:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai char Pherơsơ, bơngai char Lŭt, bơngai char Phŭt lăm khŭl, linh ih, lu sư jing linh nuih kơtang lu sư hơtol khêl păng môk tơblah 'bơ̆t tơnăr ih, lu sư ba tơdrong ư-ang kơ ih.

Êsêkiên 27:10 Referans Kwoze

Êsêkiên 38:5

Lu khŭl linh Persơ, Kus păng Phut kư̆m năm hơdai hăm lu sư, đĭ-đăng chĕp khêl păng môk mam.

Êsêkiên 30:5

Bơngai Êthiôpi, bơngai Put bơngai Lut, đĭ-đăng lu bơngai Arabi păng lu bơngai Libi, lu dêh char mă pơgơ̆p hăm bơngai Êyiptơ gô pơ̆k lôch kơ đơ̆ng đao.”

Je 46:9

Drong tơ anăp bĕ, ơ aseh! Puh mă tĕnh bĕ ơ lu bơngai hao gre aseh! Lu linh năm tơblah yak năm tơ anăp: Lu linh char Êthiôpi păng lu linh char Phut chĕp khêl. Lu linh char Liđi prah hră đam.

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Hơri Hiôk 4:4

Hơko ih nhen thoi hnam thôt Đawit, Man pơdơ̆ng wă tah tơmam tơblah, Đĭ-đăng Rơbâu tŏ khêl tơ'băk tơ noh. Thoi khêl đe 'măn lê̆ kơ lu bơngai nuih wă tơblah.

Na 3:9

Char Êthiôpi, char Êyiptơ jing tơdrong pran kơtang sư. Char Phut păng char Libi jing buăl tơgŭm dŏng sư,

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Êsêkiên 27:11

Lu bơngai pơlei Arwat hăm lu linh Hêlek oei tơ kơpal tơnăr tăp dăr lu bơngai Gamat gak rim hnam gak. Lu sư hơtol khêl jum dăr kơ tơnăr pơm kơ ih jing 'lơ̆ng hơbŏ.

I Ho 1:17

Kon drŏ-nglo Sem: Êlam, Asur, Apaksat, Lut păng Aram. Aram pơjing: Us, Hul, Gêther păng Mêsek.

I Ho 1:11

Misraim pơjing adrĕch Luđit, Anamim, Lêhabit, Naptuhit,

I Ho 1:8

Kon drŏ-nglo Cham: Kus, Misraim, Phut păng Kanaan.

Bl 10:22

Kon drŏ-nglo Sem anăn Êlam, Asur, Apaksat, Lut păng Aram.

Bl 10:13

Misraim pơjing Ludim, Anamim, adrĕch Lêhabim, adrĕch Naptuhim,

Bl 10:6

Kon drŏ-nglo Cham anăn Kus, Misraim, Phut păng Kanaan.

Êsêkiên 26:17

Lu sư nhơ̆m hmoi kơ ih păng khan kơ ih: Ơ pơlei mă đei ư-ang liơ ih răm đĭ, pơlei lu bơngai mă oei tơ đak dơsĭ, ih păng lu kon pơlei ih oei kơjăp mơdrŏng lăm đak dơsĭ. Ih păng đĭ-đăng bơngai tơ noh pơm kơ đe hli.