Êsêkiên 26:15 - Sơ̆p Hlabơar Nơ̆r 'Bok Kei-Dei

¹⁵ Kră Yang khan kơ pơlei Tirơ thoi âu: Kơtơ̆ng tơdrong ih pơchah răm lu bơngai jĭ ôr tơngưih, kơplah đe oei pơlôch tơ lăm ih, lu bŏl đak kơtơ̆ng thoi noh lu sư gô ưh kơ hli tơtơ̆ hă?

Êsêkiên 26:15 Referans Kwoze

Êsêkiên 27:35

Đĭ-đăng kon pơlei oei lăm lu bŏl đak dơsĭ, lăng hlĭch chrêu tơpă yua kơ tơdrong truh kơ ih; pơtao lu sư hli tơrơ dêh muh măt lu sư hơ'brơ̆p hơ'brăp.

Je 49:21

Tơdah kơtơ̆ng lu sư pơchah răm, lăm teh đak pơpơ̆; kơtơ̆ng nơ̆r ôr krao truh tơ Dơsĭ 'Brê.

Êsêkiên 31:16

Inh ăn kơ lu adrĕch adrung hli tơrơ kơplah kơtơ̆ng tơdrong sư pơchah răm 'bơ̆t Inh tơhuŏng sư tơ anih lôch, hơdai hăm đĭ-đăng lu bơngai huŏng tơ sơlŭng jrŭ! Dang ei đĭ-đăng lu 'long tơ pơgar Êđen, lu 'long 'lơ̆ng đei rơih iŏk lu 'long 'lơ̆ng đơ̆ng kông Liban, đĭ-đăng lu 'long mă đei đak hơiuh lơ̆m, đĭ lu 'long noh đei tơdrong pơlung lăm hơlŭng jrŭ.

Êsêkiên 26:18

Dang ei lu bơngai oei jih đak dơsĭ hli tơrơ lăm năr ih răm pơchah păng lu bŏl lăm đak dơsĭ tơtơ̆ tơtey yua kơ ih răm rai đĭ.

Êsêkiên 32:10

Inh gô ăn kơ kon pơlei lăng ih, chrêu kơ đon păng pơtao lu sư gô hli tơtơ̆ yua kơ ih; kơplah Inh yơ̆r đao 'bơ̆t anăp lu sư. Lăm năr mă ih pơchah răm lu sư hli tơtey, rim jơ rim 'nu tơtăm kơ tơdrong arih lu sư kơdih.”

Êsêkiên 27:28

Kơtơ̆ng lu bơngai huơ̆r ôr krao, lu kon pơlei tơring jum dăr kơ ih hli tơtơ̆.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 41:5

Lu bŏl đak dơsĭ 'bôh păng hli tơrơ, tôch kơ teh đak tơtơ̆ đĭ. Lu sư năm păng năm jê̆.

Êsêkiên 26:10

Aseh lu sư lơ tơpă dĭng mah 'mui teh đơ̆ng jơ̆ng sư yak klơ̆p đĭ ih thoi hơmơ̆l. Lu dur pơlei ih pơpơ̆ yua kơ đơ̆ng tơtơ̆ng jơ̆ng lu linh hao aseh, lu linh gre aseh lu sư gô mơ̆t rok 'măng jang ih, nhen thoi mơ̆t lăm pơlei dur đe pơrăm đĭ bơih.

Êsêkiên 26:21

Inh gô chông ih tơ anih đei tơdrong pơmat-tat, hli krưp. Ih gô ưh pă đei dơ̆ng; mă đe chă ih, pă 'bôh ih dơ̆ng. Kră Yang khan thoi noh.