Êsêkiên 26:10 - Sơ̆p Hlabơar Nơ̆r 'Bok Kei-Dei

¹⁰ Aseh lu sư lơ tơpă dĭng mah 'mui teh đơ̆ng jơ̆ng sư yak klơ̆p đĭ ih thoi hơmơ̆l. Lu dur pơlei ih pơpơ̆ yua kơ đơ̆ng tơtơ̆ng jơ̆ng lu linh hao aseh, lu linh gre aseh lu sư gô mơ̆t rok 'măng jang ih, nhen thoi mơ̆t lăm pơlei dur đe pơrăm đĭ bơih.

Êsêkiên 26:10 Referans Kwoze

Êsêkiên 27:28

Kơtơ̆ng lu bơngai huơ̆r ôr krao, lu kon pơlei tơring jum dăr kơ ih hli tơtơ̆.

Êsêkiên 26:15

Kră Yang khan kơ pơlei Tirơ thoi âu: Kơtơ̆ng tơdrong ih pơchah răm lu bơngai jĭ ôr tơngưih, kơplah đe oei pơlôch tơ lăm ih, lu bŏl đak kơtơ̆ng thoi noh lu sư gô ưh kơ hli tơtơ̆ hă?

Je 47:3

Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

Êsêkiên 26:7

Kră Yang khan thoi âu: Âu, Inh gô chông Nebukatnessar, pơtao Babilôn đơ̆ng gah yă-nơ̆m, pơtao kơ lu pơtao, hăm lu linh, lu linh hao aseh hăm lu linh hao gre aseh lơ, năm blah pơlei Tirơ.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:5

Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.

Je 39:3

Kơplah pơlei Jêrusalem đe blah iŏk đĭ-đăng lu yŏng pơgơ̆r kiơ̆ gah pơtao Babilôn mơ̆t hơ-oei 'bơ̆t 'măng jang Tŏk-Bŏk, đei Nergal Sareser, đơ̆ng Samgar, Nêbô Sarsêkim yŏng pơgơ̆r linh, Nergal Sareser yŏng pơgơ̆r tih păng đĭ-đăng lu yŏng nai gah pơtao Babilôn.

Êsêkiên 23:24

Lu sư đơ̆ng gah yă-nơ̆m chĕp ba gre aseh tơblah, gre chơ tơmam, hăm lu linh lơ năm blah ih. Lu sư yua khêl, yơ̆l môk kơlăm năm blah ih đơ̆ng rim tơring. Inh gô pơjao ăn kơ lu sư tơdrong gơh sek tơlang păng lu sư gô sek tơlang ih kiơ̆ kơ khôi juăt lu sư.

Êsêkiên 26:9

Lu sư gô yua gơ'beng bơsei pơrăm dur pơlei păng yua mut teh pơchah lu hnam gak kơjung ih.