Êsêkiên 25:7 - Sơ̆p Hlabơar Nơ̆r 'Bok Kei-Dei

⁷ na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Êsêkiên 25:7 Referans Kwoze

Jêphania 1:4

“Inh gô yơ̆r ti pơm kơ Juđa păng đĭ-đăng kon pơlei oei lăm Jêrusalem; Inh gô tơhiong pơgoh lu yang Baal mă oei oei, dôm lu thây tơm păng 'bok soi lu sư đơ̆ng anih 'nâu.

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

Êsêkiên 25:13

Kră Yang khan: Inh gô yơ̆r ti Inh phak char Eđôm gô pơlôch đĭ bơngai păng lu sem dơrong noh; Inh gô pơm kơ char noh jing juơ đơ̆ng pơlei Thêman truh tơ pơlei Đêđan, lu sư gô pơ̆k lôch kơ đao.

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 21:32

Ih thoi 'long ŭnh wă tơkuh, pham ih gô lĕch lăm teh, ưh pă bu 'blŏk kơ ih dơ̆ng; yua kơ Inh Kră Yang khan thoi noh.’ ”

Êsêkiên 26:5

Sư gô jing anih đe sơ̆k hơnhuăl tŏk-bŏk đak dơsĭ; yua kơ Kră Yang khan: Inh khan boih sư jing tơmam lu dêh char đe blah tơgar iŏk.

Êsêkiên 25:10

Inh gô pơjao char Môap hăm lu bơngai Ammôn ăn kơ lu bơngai char gah hơlĕch iŏk yua, thoi noh lu adrĕch adrung Ammôn đe ưh pă 'blŏk boih tơ lăm lu char.