Êsêkiên 25:4 - Sơ̆p Hlabơar Nơ̆r 'Bok Kei-Dei

⁴ na Inh gô pơjao ih kơ lu adrĕch adrung gah hơlĕch yua pơm tơmam sư. Lu sư gô pơm anih tơ lăm ih; păng oei tơ noh; lu sư gô phĕ sa plei 'long ih păng nhă đak toh ih.

Êsêkiên 25:4 Referans Kwoze

Lu 6:33

Đĭ-đăng lu kon pơlei Miđian, kon pơlei Amalek păng lu bơngai đơ̆ng tơring gah hơlĕch pơgơ̆p băl hơdai, năm tŏk tơ pah to kơ đak Krong Jôrđăn, pơm bơsŭn oei tơ thŭng Jêsreel.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

I Pot 4:30

Sôlômôn gơh hơgei hloh kơ tơdrong hơgei lu bơngai dêh char gah hơlĕch păng hloh kơ tơdrong gơh hơgei lu bơngai Êyiptơ.

Êsai 65:22

Lu sư ưh kơ đei man hnam ăn kơ lu bơngai nai oei thoi sơ̆; ưh kơ đei pơtăm hơmu ăn kơ bơngai nai sa thoi sơ̆; sơnăm kon pơlei Inh arih gô nhen thoi dôm sơnăm 'long arih, lu bơngai mă Inh rơih iŏk gô đei yua đơ̆ng tơdrong jang lu sư kơdih.

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

II Sam 12:26

Jôap tơblah pơlei Rapba, pơlei tih bơngai Ammôn, păng wă blah iŏk pơlei pơtao noh.

Lu 8:10

Sêba păng Salmuna oei tơ pơlei Karkơr hơdai hăm linh lu sư, dang mơjĭt-pơđăm rơbâu 'nu bơngai; noh đĭ-đăng lu bơngai mă oei arih lăm khŭl lu linh bơngai gah hơlĕch; yua kơ minh-hrĕng 'bar-jĭt rơbâu 'nu bơngai chĕp đao gưm đe pơlôch đĭ boih.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

Jo 23:7

Balaam roi pơdah hăm nơ̆r hơri sư khan: Balak, pơtao Môap, krao inh đơ̆ng dêh Aram, đơ̆ng kông gah hơlĕch păng khan: Năm hiap lu adrĕch Jakôp bĕ! Năm hiap hil kơ lu adrĕch Isơrael bĕ.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Bl 29:1

Đơ̆ng noh Jakôp sư yak năm dĭng truh tơ tơring lu kon pơlei gah hơlĕch.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Êsêkiên 25:10

Inh gô pơjao char Môap hăm lu bơngai Ammôn ăn kơ lu bơngai char gah hơlĕch iŏk yua, thoi noh lu adrĕch adrung Ammôn đe ưh pă 'blŏk boih tơ lăm lu char.