Êsêkiên 23:42 - Sơ̆p Hlabơar Nơ̆r 'Bok Kei-Dei

⁴² Đei nơ̆r ôr jreo tơkĕch hiôk-hian đơ̆ng tơpôl bơngai lơ păng bơngai juăt kơ suai đơ̆ng char glă, hơdai hăm lu bơngai hmă. Lu sư tơ'bot kong 'bơ̆t ti lu bơngai drŏ-kăn păng pơyơ̆l môk pơtao 'lơ̆ng tơ kơpal kơ̆l.

Êsêkiên 23:42 Referans Kwoze

Tơdrông Tơ'bôh 12:3

Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Jôel 3:8

Inh gô tĕch kon drŏ-nglo drŏ-kăn iĕm tơ lăm ti kon sâu Juđa, kon sâu Juđa gô tĕch lu sư tơ bơngai Sabean, mă adrĕch bơngai oei ataih dêh; Kră Yang đei khan bơih thoi noh.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Jop 1:15

Blư bla đei lu bơngai Sêba năm blah, tơgar rôp iŏk đĭ hloi rơmo, aseh iĕ păng koh pơlôch lu đĭch đam ih hăm đao; lăp minh 'nu inh đĕch hlôi tơ âu năm roi ăn kơ ih.”

Le 32:6

Pơgê dơning lu sư iung đơ̆ng hrôih, klaih kơ noh lu sư pơyơ̆r tơmam soi 'buh, hăm tơmam soi 'blŏk bơnê, lu kon pơlei pơla hơ-oei, wă sa et, đơ̆ng noh lu sư iung hơnul pơchơt.

Bl 24:30

Na sư kơdâu tơkan tơ đam ei 'bôh sư oei hơdai hăm aseh lăk-đa sư cheng đak sơlŭng ei.

Horiso 73:12

Lu bơngai kơnê̆ thoi noh, Lu sư oei hiôk-hian rai mơdrŏng dêh.

Je 51:7

Babilôn jơ̆ minh kơchŏk maih lăm ti Kră Yang, Pơm ăn jơ̆p kơ teh đak suai; Lu dêh char huch sik hơmu Babilôn, thoi noh lu sư jing wơnh.

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 27:22

Lu bơngai mơdro đơ̆ng pơlei Sêba păng pơlei Raama mơdro hăm ih, iŏk lu tơmam 'lơ̆ng gĭt, đĭ-đăng lu tơmo gĭt păng maih tơplih iŏk tơmam ih.