Êsêkiên 23:41 - Sơ̆p Hlabơar Nơ̆r 'Bok Kei-Dei

⁴¹ Ih ngôi kơpal giơng 'lơ̆ng rŏ, dan minh tŏ gơ'bang 'bơ̆t anăp đei đak pơgang 'bâu phu Inh noh.

Êsêkiên 23:41 Referans Kwoze

Esther 1:6

Tăp dăr kơ pơgar đei dăng che kok, che dreng hla 'long, dreng jơk plĕnh, iŏk tơlei kok păng 'brê hơhĭm chô̆ tơ kong hu păng jrăng tơmo brông, lu giơng pơm păng hu maih, dan kơpal hơnă lơ̆k tơmo gôh kok păng tơmo rang gĭt găm.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Êsêkiên 44:16

Lu sư boih gô mơ̆t lăm anih 'lơ̆ng rơgoh Inh lu sư boih gô năm 'bơ̆t jê̆ chơnang soi wă bơ̆jang kơ Inh; awih awăn kơ Inh.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Êsai 65:11

Mă-lei lu iĕm, achăng hŭt lê̆ Kră Yang bơih. Hiơt kơ kông rơgoh Inh, Lu iĕm bơngai mă hơmet gơ'bang et sa ăn kơ yang Gata păng hling 'bĕnh kơ pơnhan sik hơmu ăn bơih kơ yang Mêni.b

Êsai 57:7

Tơ kơpal kông kơjung lu iĕm dan giơng tep, păng tŏk tơ noh wă pơyơ̆r tơmam soi.

Malachi 1:7

“Lu iĕm pơyơ̆r tơmam 'mê̆-'mach tơ gơ'bang soi Inh, đơ̆ng noh lu iĕm khan: ‘Lu nhôn pơm kơnê̆ 'mê̆-'mach kơ Ih tơ yơ?’ Noh mă tơdrong lu sư khan: ‘Gơ'bang Kră Yang trŏ kơ pơdê.’

Am 2:8

Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

I Sam 28:23

Sôl sơngah khan: Inh ưh kơ sa, mă-lei lu đĭch đam sư păng bơngai drŏ-kăn adrin pơlung sư dĭng sư chu kiơ̆ nơ̆r athei; sư iung đơ̆ng teh tŏk hơ-oei kơpal giơng.

Êsêkiên 41:22

Chơnang soi pơm hăm 'long kơjung pêng hlok, tor 'bar hơgăt, wơ̆l 'bar hơgăt, lu mum, jơ̆ng, hơnă pơm hăm 'long. Bơngai noh khan kơ inh: “Âu, boih gơ'bang 'bơ̆t anăp Kră Yang.;

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.