Êsêkiên 23:37 - Sơ̆p Hlabơar Nơ̆r 'Bok Kei-Dei

³⁷ Lu sư pơm yoch pơm pơyô kư̆ kă păng ti lu sư 'bơm pham; lu sư pơm yoch ngôi pơyô kư̆ kă hăm lu rup yang; păng pơyơ̆r kon lu sư, kon mă lu sư tơpŭ ăn kơ Inh, pơm tơmam sa ăn kơ rup yang.

Êsêkiên 23:37 Referans Kwoze

Êsêkiên 16:36

'Nâu nơ̆r Kră Yang Tih Hloh khan: “Yua kơ ih tuh tơdrong 'mê̆-'mach pơdah tơdrong hang-hông 'bơ̆t ih pơm pơyô kư̆ kă hăm bơngai mă ih hưch wă, păng yua kơ ih kơkuh kơ lu rup yang kơnê̆ krưp, păng yua kơ ih pơyơ̆r pham lu kon ih kơ lu rup yang noh,

Êsêkiên 20:26

Inh pơm kơ tơdrong lu sư soi pơyơ̆r kon kơdră lu sư jing kơnê̆ 'mê̆-'mach đơ̆ng tơmam soi noh Inh pơm kơ lu sư hli krưp, wă kơ lu sư băt inh boih Kră Yang.

Êsêkiên 16:38

Inh gô sek tơlang phak ih thoi lu drŏ-kăn pơm pơyô kư̆ kă ưh kơ lăng klo sư păng tuh pham pơlôch đe; Inh gô tuh pham hil mĭl păng gar ih.

Je 32:35

Lu sư man pơdơ̆ng boih anih tih kơjung kơ yang Baal lăm Thŭng Ben Hinôm, wă pơyơ̆r kơ yang Mơlek lu kon drŏ-nglo kon drŏ-kăn lu sư, noh tơdrong mă Inh ưh kơ đei bơtho; Inh ưh kơ đei tơchĕng. Lu sư mă đei pơm tơdrong kơnê̆ 'mê̆-'mach thoi noh na pơm kơ adrĕch Juđa yoch.

Je 7:31

Lu sư man dơ̆ng anih kơjung tơ Tôphet, lăm Thŭng Ben Hinôm, wă 'buh pơyơ̆r kon drŏ-nglo drŏ-kăn lăm ŭnh; tơdrong noh Inh ưh kơ đei bơtho tơtă, Inh kư̆m ưh kơ tơchĕng mơ̆n tơdrong noh.

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mi 3:10

Lu iĕm pơjing pơlei Siôn hăm pham păng iŏk tơdrong kơnê̆ pơjing pơlei Jêrusalem.

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Hôsia 3:1

Kră Yang khan kơ inh: “Năm 'mêm bĕ kơ akăn ih mă drŏ-kăn pơm đi, đei pơm pơyô boih; 'mêm kơ sư thoi Kră Yang oei 'mêm kơ kon pơlei Isơrael, mă khan lu sư kiơ̆ yang nai păng 'maih sa 'bĕng plei hơmu 'ngam.”

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Êsêkiên 23:45

Mă-lei dôm lu bơngai tơpăt gô sek tơlang tơdrong lu sư pơm pơyô kư̆ kă păng tuh pham pơlôch đe, tơpă lu sư pơm pơyô kư̆ kă păng tuh pham pơlôch đe.”

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Êsêkiên 20:31

Kơplah lu iĕm pơyơ̆r tơmam soi, pơyơ̆r kon drŏ-nglo soh hăm ŭnh, kơdih lu iĕm pơm kơnê̆ 'mê̆-'mach kơkuh kơ rup yang truh tơ dang ei? Ơ adrĕch Isơrael, Inh ưh kơ lê̆ lu iĕm krao apinh Inh. Kră Yang khan: Thoi Inh mă arih ling-lang, Inh ưh kơ ăn lu iĕm krao apinh Inh.

Êsêkiên 16:45

Ih boih kon drŏ-kăn mĕ ih, bơngai hŭt tŭk lê̆ kon klo; ih jing oh kơ lu mŏ oh ih, bơngai mă hŭt tŭk lê̆ kon klo sư; mĕ ih bơngai Hêtit, 'bă ih bơngai Amôrit,

Êsêkiên 16:32

Ih bơih bơngai akăn pơm pơyô hăm đe, ih hưch kơ bơngai nai tơplih kơ klo ih.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 17:17

Lu sư 'buh kon drŏ-nglo kon drŏ-kăn lu sư lăm ŭnh pơm tơmam soi sơmah kơ yang, lui kiơ̆ kơ pơjâu tơwir păng pơjâu lăng ti lu sư tĕch akâu lu sư kơdih pơm kơnê̆ 'bơ̆t anăp Kră Yang, wă tơblĕk Kră Yang.

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

II Pot 23:10

Pơtao kư̆m pơm pơ'mê̆ lê̆ anih Tôphêt lăm Thŭng Ben Hinôm, wă kơ đơ̆ng âu tơ anăp, ưh kơ đei bu gơh soh pơyơ̆r kon drŏ-nglo dah kon drŏ-kăn sư soi sơmah kơ yang Mơlek.