Êsêkiên 23:36 - Sơ̆p Hlabơar Nơ̆r 'Bok Kei-Dei

³⁶ Kră Yang khan kơ inh: “Ơ kon bơngai, ih gô sek tơlang ưh kơ Ôhôla păng Ôhôliba? Athei roi pơdah kơ lu sư băt tơdrong kơnê̆ krưp lu sư.

Êsêkiên 23:36 Referans Kwoze

Êsêkiên 22:2

“Ơ kon bơngai, hăm trŏ ih wă sek tơlang, sek tơlang pơlei pơlôch tuh pham noh ưh? Athei ăn kơ lu sư băt tôm yoch kơnê̆ krưp sư.

Êsêkiên 20:4

“Ơ kon bơngai, ih wă sek tơlang lu sư ưh, ih wă sek tơlang lu sư hă? Athei Ăn kơ lu sư băt tơdrong kơnê̆ krưp lu yă 'bok lu sư.

Êsêkiên 16:2

“Ơ kon bơngai, athei tơbăt kơ Jêrusalem tơdrong lu sư pơm kơnê̆ krưp.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Je 14:11

Kră Yang khan kơ inh: “Ih 'nĕ krao khan apinh Kră Yang ăn tơdrong hiôk 'lơ̆ng kơ kon pơlei âu;

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

Nhom 2:14

Lu bơngai khan lê̆ adrol iĕm 'bôh boih tơdrong hơlĕnh păng chă pơhlŭ iĕm. Lu sư ưh kơ đei tơ'bôh tơdrong yoch iĕm ôh, wă kơ lu iĕm huay kơ pơm bơnă. Tơ'bôh ăn kơ lu iĕm khan lê̆ adrol hơlĕnh păng chă pơhlŭ wă pơrăm iĕm.

Êsêkiên 23:4

Mŏ sư anăn Ôhôla păng oh sư anăn Ôhôliba. Lu sư gah Inh, đei pơjing kon drŏ-nglo kon drŏ-kăn. Ôhôla noh jơ̆ pơlei Samari, păng Ôhôliba noh jơ̆ pơlei Jêrusalem.