Êsêkiên 23:24 - Sơ̆p Hlabơar Nơ̆r 'Bok Kei-Dei

²⁴ Lu sư đơ̆ng gah yă-nơ̆m chĕp ba gre aseh tơblah, gre chơ tơmam, hăm lu linh lơ năm blah ih. Lu sư yua khêl, yơ̆l môk kơlăm năm blah ih đơ̆ng rim tơring. Inh gô pơjao ăn kơ lu sư tơdrong gơh sek tơlang păng lu sư gô sek tơlang ih kiơ̆ kơ khôi juăt lu sư.

Êsêkiên 23:24 Referans Kwoze

Êsêkiên 26:10

Aseh lu sư lơ tơpă dĭng mah 'mui teh đơ̆ng jơ̆ng sư yak klơ̆p đĭ ih thoi hơmơ̆l. Lu dur pơlei ih pơpơ̆ yua kơ đơ̆ng tơtơ̆ng jơ̆ng lu linh hao aseh, lu linh gre aseh lu sư gô mơ̆t rok 'măng jang ih, nhen thoi mơ̆t lăm pơlei dur đe pơrăm đĭ bơih.

Êsêkiên 23:45

Mă-lei dôm lu bơngai tơpăt gô sek tơlang tơdrong lu sư pơm pơyô kư̆ kă păng tuh pham pơlôch đe, tơpă lu sư pơm pơyô kư̆ kă păng tuh pham pơlôch đe.”

Êsêkiên 16:38

Inh gô sek tơlang phak ih thoi lu drŏ-kăn pơm pơyô kư̆ kă ưh kơ lăng klo sư păng tuh pham pơlôch đe; Inh gô tuh pham hil mĭl păng gar ih.

Je 47:3

Lăp kơtơ̆ng jơ̆ng aseh kơdâu re mơdrâp mơdrăp, Gre aseh lu ayăt jơwa ơ-ŭr ơ-ăr, Jơ̆ng gre aseh re dơdĭng dơdăng. Mĕ 'bă pă wêr kon sâu lu sư, lu sư jơ̆ng ti lu sư tơtơ̆ tơtuei tơtuônh.

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Êsêkiên 21:23

Lu bơngai Jêrusalem hlôi pơkă pơkăm kơjăp hăm sư, na đei tơchĕng 'bôh tơdrong hlang lăng noh tơ'bôh glăi, mă-lei pơtao đei tơ'blŏk kơ lu sư tơdrong yoch lu sư, na mă rôp phak lu sư jing bơnă.

Êsêkiên 26:7

Kră Yang khan thoi âu: Âu, Inh gô chông Nebukatnessar, pơtao Babilôn đơ̆ng gah yă-nơ̆m, pơtao kơ lu pơtao, hăm lu linh, lu linh hao aseh hăm lu linh hao gre aseh lơ, năm blah pơlei Tirơ.

Je 52:9

Lu linh bơngai Kalđê rôp pơtao Sêđekia păng năm ba tơ pơtao Babilôn, tơ pơlei Riblah, lăm tơring Hamat, tơ noh pơtao Babilôn sek tơlang sư.

Je 52:11

Đơ̆ng noh pơtao Babilôn kuek lê̆ 'bar pah măt Sêđekia, chô̆ sư hăm glang kong, chông ba sư tơ Babilôn, tah sư lăm hnam phak dĭng truh năr sư lôch.