Êsêkiên 23:22 - Sơ̆p Hlabơar Nơ̆r 'Bok Kei-Dei

²² Thoi noh, ơ Ôhôliba, Kră Yang khan thoi âu: “Âu, Inh pơtrŭt lu bơngai mă ih hưch, lu bơngai ih weh achăng lê̆ gô blah ih, Inh gô chông ba lu sư đơ̆ng jơ̆p kơ tơring năm tơ ih;

Êsêkiên 23:22 Referans Kwoze

Êsêkiên 16:37

lei na Inh gô akŭm đĭ-đăng lu bơngai ih hưch ih wă, noh lu bơngai ih hưch hăm lu bơngai ih areh; Inh gô akŭm lu sư đơ̆ng jơ̆p kơ anih năm blah ih. Inh gô tơ'bôh ăn hang-hông ih 'bơ̆t anăp lu sư, lu sư gô 'bôh đĭ-đăng hang-hông ih.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Êsêkiên 23:28

Na 'nâu Kră Yang khan: “Âu, Inh gô pơjao ih lăm ti lu bơngai mă ih areh, lăm ti lu bơngai mă jơhngơ̆m ih ơh klai.

Êsêkiên 23:9

Thoi noh Inh jao sư lăm ti lu bơngai sư hưch, noh lăm ti lu bơngai Asiri, lu bơngai mă sư hơyuh hưch dêh.

Êsêkiên 23:21

Sư 'blŏk rŏ kơ oei ngôi kư̆ kă thoi kơplah sư oei adruh mơlôh lăm char Êyiptơ. Đe ngôi pơyô kư̆ kă hăm sư păng chơpĕt toh sư oei adruh mơlôh.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.