Êsêkiên 23:21 - Sơ̆p Hlabơar Nơ̆r 'Bok Kei-Dei

²¹ Sư 'blŏk rŏ kơ oei ngôi kư̆ kă thoi kơplah sư oei adruh mơlôh lăm char Êyiptơ. Đe ngôi pơyô kư̆ kă hăm sư păng chơpĕt toh sư oei adruh mơlôh.

Êsêkiên 23:21 Referans Kwoze

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Êsêkiên 23:3

Bre sư pơm đi lăm char Êyiptơ, bre sư pơm đi đơ̆ng oei 'lơ̆p tơ noh, toh bre sư đe chơpĕt, tơ noh tơdrong hơdruh 'lơ̆ng hơnĭl bre sư đe pơhiah lê̆.

Êsêkiên 23:22

Thoi noh, ơ Ôhôliba, Kră Yang khan thoi âu: “Âu, Inh pơtrŭt lu bơngai mă ih hưch, lu bơngai ih weh achăng lê̆ gô blah ih, Inh gô chông ba lu sư đơ̆ng jơ̆p kơ tơring năm tơ ih;

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Êsêkiên 23:19

Mă-lei sư kư̆m rai pơm đi kơnê̆ hloh, 'blŏk kơplah sư oei adruh mơlôh pơm đi ngôi kư̆ kă lăm char Êyiptơ.

Yo 5:43

'Bă Inh 'Bok Kei-Dei wơh Inh jur tơ ala teh âu, mă-lei iĕm ưh kơ wă sơng iŏk Inh ôh. Na bơngai nai năm kơdih sư, noh iĕm tơkan sơng iŏk sư hloi.