Êsêkiên 21:31 - Sơ̆p Hlabơar Nơ̆r 'Bok Kei-Dei

³¹ Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 21:31 Referans Kwoze

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 7:8

Âu Inh wă tuh tơdrong Inh hil tơ ih păng wă pơhrăp tơdrong Inh hil blĕk kơ ih, Inh gô sek tơlang phak ih kiơ̆ kơ trong ih yak păng gô pơm tơwih kơ ih kiơ̆ kơ dôm tơdrong kơnê̆ krưp mă ih đei pơm.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Horiso 18:15

Ơ Kră Yang, đơ̆ng nơ̆r Ih chrih, Kial lĕch đơ̆ng trôm muh Ih, na kơđĕl đak dơsĭ 'bôh hơnă teh đak kư̆m 'bôh bang.

Êsai 40:7

'Nhĕt kro, pơkao hơlŭng, mưh hơyuh Kră Yang tơthu. Tơpă kon bơngai thoi 'nhĕt 'nhot đĕch:

Êsai 37:7

'Nâu Inh gô ăn lăm đon sư, kơtơ̆ng tơdrong, đe roi na wih tơ dêh sư kơdih, tơ noh Inh gô pơm kơ sư lôch kơ đao gưm.

Horiso 79:6

Tuh bĕ tơdrong Ih hil kơ lu teh đak mă ưh kơ băt kơ Ih. Păng tơ lu teh đak mă ưh kơ đei krao apinh hăm anăn Ih

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Êsêkiên 25:7

na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Horiso 89:40

Ih teh tơlơ̆ lê̆ boih dur sư, pơrăm lê̆ kơđông kơjăp sư pơchah đĭ.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.