Êsêkiên 21:28 - Sơ̆p Hlabơar Nơ̆r 'Bok Kei-Dei

²⁸ Gah ih, ơ kon bơngai, khan lê̆ adrol bĕ: Kră Yang khan thoi âu kơ adrĕch adrung Ammôn gah tơdrong lu sư che bơle kơ kon pơlei Isơrael. Athei khan kơ lu sư: Pla đao đe toh boih wă pơlôch. Đe pơiel rang thoi kơmlat.

Êsêkiên 21:28 Referans Kwoze

Êsêkiên 21:20

Athei chrek ăn trong kơ đao năm blah pơlei Rapba, bơngai Ammôn, păng minh trong năm blah dêh char Juđa truh tơ pơlei Jêrusalem pơlei kơjăp.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Êsêkiên 36:15

Inh ưh pă ăn ih kơtơ̆ng lu nơ̆r kơnê̆ đe pơjăm pơjuă đơ̆ng lu dêh char; ih kư̆m huay pă pŭ tơdrong mơlâu dơ̆ng lu kon pơlei dơ̆ng păng ih kư̆m ưh pă ăn kơ dêh char ih, ih pơ̆k huŏng dơ̆ng, Kră Yang khan.”

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

Êsêkiên 17:13

Pơtao rôp minh 'nu lăm adrĕch pơtao, pơgơ̆p hăm sư, athei sư pơkă. Pơtao kư̆m rôp ba lu bơngai pơgơ̆r lăm tơring noh hai,

Êsêkiên 17:15

Mă-lei pơtao dêh âu blah plơ̆ pơtao, wơh athei bơngai năm tơ char Êyiptơ wă apinh aseh, linh tơblah tơgŭm. Lu bơngai pơm thoi noh hăm kĕ jei ưh? Hăm gơh klaih hlôi ưh? Pơm thoi noh, lu bơngai mă pơrăm nơ̆r pơgơ̆p hăm gơh klaih ưh?

Hôsia 9:9

Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.