Êsêkiên 21:27 - Sơ̆p Hlabơar Nơ̆r 'Bok Kei-Dei

²⁷ Răm đĭ, răm đĭ, Inh gô pơrăm đĭ; tơdrong âu kư̆m ưh pă truh dơ̆ng bơih, dĭng truh tơ yŏng Tơ'ngla tơpăt hơnơ̆ng truh wă sek tơlang. Inh gô pơjao ăn kơ Sư tơdrong noh.

Êsêkiên 21:27 Referans Kwoze

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Luka 1:32

Sư pơm tih păng đe krao Sư Kon 'Bok Kei-Dei Kră Yang mă tih hloh. Kră Yang 'Bok Kei-Dei wă ăn kơ Sư pơm pơtao iĕm, kư̆m thoi 'bok pơtao Đawit iĕm sơ̆.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Êsêkiên 21:13

Kră Yang khan: Đei tơdrong pơlong lăng truh, mă-lei tơdah lu iĕm kư̆m oei lăng pơhơi kơ 'long jra teh bơtho noh, lei tơdrong răm noh ưh kơ truh hă?

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Jo 24:19

Đei minh 'nu yŏng pơgơ̆r gô lĕch đơ̆ng Jakôp, gô pơlôch pơrăm đĭ lu bơngai oei klaih đơ̆ng lăm pơlei tih.

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Êsêkiên 34:24

Inh, Kră Yang 'Bok Kei-Dei lu sư, gah Đawit, đĭch đam Inh, pơm pơtao lu sư. Inh Kră Yang khan thoi noh.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 52:4

Na năr mơjĭt khei mơjĭt, lăm sơnăm mă tơsĭn chăl Sêđekia pơgơ̆r, Nebukatnessar, pơtao Babilôn, chông ba đĭ linh sư năm blah Jêrusalem, lu sư pơm bơsŭn, lu sư bơ̆ teh wă tŏk wang tăp wă blah iŏk pơlei Jêrusalem.

Êsêkiên 4:2

Ih wang tăp pơlei noh; man pơdơ̆ng dur, pơm kơđông linh, blah pơlei noh păng dan tơroi tŭl dur jum dăr pơlei wă pơrăm sư.