Êsêkiên 21:26 - Sơ̆p Hlabơar Nơ̆r 'Bok Kei-Dei

²⁶ Kră Yang khan thoi âu: Yaih bĕ nhiêu đơ̆ng kơ̆l, plôh bĕ môk pơtao, tơdrong dang ei ưh pă thoi sơ̆ boih! Bơngai kơđeh hơtŏk bĕ tơ kơjung, bơngai kơjung tơjur bĕ tơ ala.

Êsêkiên 21:26 Referans Kwoze

Êsêkiên 17:24

Đĭ-đăng lu 'long tơ bri brah gô băt kơ Inh boih Kră Yang, tơjur lê̆ 'long kơjung na hơtŏk lu 'long kơđeh, pơm kơ 'long hơdrih jing kro, 'long kro jing hơdrih 'lơ̆ng. Inh boih Kră Yang đei khan păng gô pơm tơdrong noh.’ ”

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Êsêkiên 16:12

Đoh ăn gŏp tơ muh, đoh ăn maih tơ đon, pơyơ̆l ăn hơgăl pơkao tơ kơ̆l ih.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

II Pot 25:27

Lăm sơnăm mă pêng-jĭt tơpơh, jô̆ đơ̆ng sơnăm đe rôp phak Jêhôiachin pơtao đe Juđa. Lăm năr 'bar-jĭt tơpơh, khei mơjĭt-'bar, Êwil Mêrôđak tŏk pơm pơtao Babilôn, na sư tơlĕch hĭ Jêhôiachin đơ̆ng hnam phak.

II Pot 25:6

Lu linh đe Kalđê rôp pơtao đe Sêđekia anhăk ba sư tơ pơtao đe Babilôn oei tơ Ribla; tơ noh lu sư sek tơlang pơtao.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.

Êsai 47:12

Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?