Êsêkiên 21:24 - Sơ̆p Hlabơar Nơ̆r 'Bok Kei-Dei

²⁴ Thoi noh, Kră Yang khan thoi âu: ‘Yua kơ lu iĕm tơ'blŏk kơ đe tơdrong yoch kơnê̆ lu iĕm, pơdah tơdrong yoch glăi iĕm, na đe 'bôh tơdrong yoch glăi lu iĕm đơ̆ng iĕm pơm; yua kơ lu iĕm tơ'blŏk, na đe gô rôp lu iĕm pơm bơnă.

Êsêkiên 21:24 Referans Kwoze

Hôsia 4:2

Lăm noh pôm băt kơ pơm tơdrong hơlĕnh pơdăr, plêl, pơlôch băl, tơtông klĕ păng pơm pơyô kư̆ kă; lu sư pơm lơ tơdrong kơnê̆, pơlôch băl rai dêh pơm plơ̆ pham 'mong pham.

Êsêkiên 24:7

Pham oei đom lăm pơlei noh, yua kơ lu sư pơlôch đe tuh pham tơ kơpal tơmo blat; ưh kơ tuh lê̆ pham lăm teh wă kơ 'mui teh klơ̆p lê̆ đĭ.

Je 15:2

Tơdah lu sư apinh ih: ‘Lu nhôn gô năm tơ yơ?’ Ih khan kơ lu sư: 'Nâu Kră Yang khan: “Bu Inh pơkă ăn kơ sư lôch kơ hơbuh, gô chu lôch kơ hơbuh, Bu Inh pơkă wă pơlôch hăm đao gưm, gô lôch kơ đao gưm. Bu Inh pơkă wă ăn kơ sư lôch pơngot rơwĕt, gô lôch kơ pơngot rơwĕt. Bu Inh pơkă wă ăn pơm bơnă, sư gô pơm bơnă.”

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Je 2:34

Tơ tơdrơi ao lu iĕm đei 'bôh boih pham lu bơngai dơnuh hin ưh kơ yoch, Mă iĕm ưh kơ đei rôp lu sư teh 'măng wă mơ̆t tơtông, Mă khan đei hĭ tơdrong noh bưh.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Êsêkiên 21:23

Lu bơngai Jêrusalem hlôi pơkă pơkăm kơjăp hăm sư, na đei tơchĕng 'bôh tơdrong hlang lăng noh tơ'bôh glăi, mă-lei pơtao đei tơ'blŏk kơ lu sư tơdrong yoch lu sư, na mă rôp phak lu sư jing bơnă.

Êsêkiên 21:25

Gah ih, ơ pơtao Isơrael pơm kơnê̆ kư̆ kă, năr ih truh boih kơ năr tôch wă phak.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.