Êsêkiên 21:22 - Sơ̆p Hlabơar Nơ̆r 'Bok Kei-Dei

²² Ti gah 'ma pơtao đei hlang lăng tơ'bôh gah pơlei Jêrusalem, athei dan tơmam tơblah wă pơrăm pơlei, nơ̆r wơh athei pơlôch ôr tơblah, dan tơmam tơblah wă pơrăm lu 'măng jang pơlei, sir sơlŭng bơ̆ man bơnơ̆ wang tăp dăr.

Êsêkiên 21:22 Referans Kwoze

Êsêkiên 4:2

Ih wang tăp pơlei noh; man pơdơ̆ng dur, pơm kơđông linh, blah pơlei noh păng dan tơroi tŭl dur jum dăr pơlei wă pơrăm sư.

Êsêkiên 26:9

Lu sư gô yua gơ'beng bơsei pơrăm dur pơlei păng yua mut teh pơchah lu hnam gak kơjung ih.

Je 52:4

Na năr mơjĭt khei mơjĭt, lăm sơnăm mă tơsĭn chăl Sêđekia pơgơ̆r, Nebukatnessar, pơtao Babilôn, chông ba đĭ linh sư năm blah Jêrusalem, lu sư pơm bơsŭn, lu sư bơ̆ teh wă tŏk wang tăp wă blah iŏk pơlei Jêrusalem.

Je 51:14

Kră Yang Tih Hloh yua anăn Sư kơdih na pơkă pơkăm: “Inh gô ăn sĭt lu linh 'bĕnh-'bang kơ dêh char thoi lep tung-nut, Lu sư ôr tơkĕch jreo jei boih tơ jơ̆p-jang anih.

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Jop 39:25

Lăp kơtơ̆ng đe hlôm keng, sư ôr: Heh he, Đơ̆ng ataih sư 'bâu hơyuh tơblah, Sư kơtơ̆ng nơ̆r lu yŏng linh krao tơkĕch thoi grơ̆m.

I Sam 17:20

Pơgê dơning đơ̆ng hrôih, Đawit lê̆ triu sư ăn kơ minh 'nu bơngai wei, iŏk tơmam na yak năm, thoi 'bă sư pơkă boih. Lăp sư truh tơ anih na kơplah noh hloi lu linh lĕch năm tơblah păng jreo re drŭt tơblah.

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:10

Mă-lei Jôsuê khan dơ̆ng kơ kon pơlei: Lu iĕm lê̆ kơ ôr jreo, 'nĕ kơ pơma, 'nĕ kơ pơma dơnuh tơduă lu iĕm dĭng truh layơ mă inh athei: Ôr jreo bĕ 'bơ̆t noh kơnh lu iĕm ôr jreo.

II Pot 25:1

Lăm sơnăm mă tơsĭn, chăl Sêđekia pơgơ̆r, lăm năr mơjĭt, khei mơjĭt, Nebukatnessar, pơtao đe Babilôn chông đĭ-đăng lu linh sư năm blah Pơlei Jêrusalem. Lu sư wang tăp dăr kơ pơlei, lu sư bơ̆ teh wă tŏk mơ̆t lăm pơlei.

Je 4:16

Roi tơbăt bĕ kơ rim dêh char! Roi ăn kơ pơlei Jêrusalem băt: Lu bơngai ayăt đơ̆ng tơring ataih truh boih wang tăp dăr Lu sư jreo tơkĕch wă tơblah hăm lu pơlei Juđa.

Êsêkiên 26:8

Sư gô yua đao pơlôch lu kon pơlei ih tơ lăm chŭn mir, Sư gô bơ̆ bơnơ̆ ter dur păng hiŏng khêl blah ih.

Am 1:14

Inh gô iŏk ŭnh soh dur pơlei Raba, sư gô sa lê̆ kơđông kơjăp lu sư, đe ôr tơkĕch lăm năr tơblah wang, thoi phŭt huơ̆r lăm năr hơbŭt hơbang.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.