Êsêkiên 21:19 - Sơ̆p Hlabơar Nơ̆r 'Bok Kei-Dei

¹⁹ “Ơ kon bơngai, ih athei chrek 'bar tŏ trong ăn kơ đao pơtao char Babilôn wă truh, 'bar tŏ trong noh đơ̆ng minh pôm teh đak; athei chhơ̆ tơdra tơ'bôh 'bơ̆t kơ̆l trong năm mơ̆t tơ pơlei.

Êsêkiên 21:19 Referans Kwoze

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Êsêkiên 21:15

Noh pơm kơ jơhngơ̆m lu sư pơchah hach, đei lơ bơngai pơ̆k lôch, Inh đei dan boih đao wă pơlôch tơ rim 'măng jang lu sư. Ô! Đao pơm boih wă kơ pơlôch đe chơchêr thoi kơmlat; đe pơiel sư wă yua koh pơlôch.

Êsêkiên 21:18

Đei nơ̆r Kră Yang khan kơ inh:

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.

Êsêkiên 6:11

Kră Yang Tih Hloh khan thoi âu: Athei tap ti kơtrơ̆m jơ̆ng păng krao ôr! Ơu kah! Gah dôm tơdrong kơnê̆ krưp adrĕch adrung Isơrael, lu sư gô lôch kơ đao hơlă pơngot rơwĕt păng jĭ lôch hơbuh.

Êsêkiên 21:11

Pla đao âu pơiel rang pơchĕp ăn 'bơ̆t ti đe. Pla đao pat han păng pơiel rang pơjao kơ bơngai mă chă pơlôch đe.

Êsêkiên 22:13

Inh gô tap ti hil, kơ tơdrong ih iŏk sa lơi dêh păng pơlôch lơ bơngai lăm lu iĕm.