Êsêkiên 20:49 - Sơ̆p Hlabơar Nơ̆r 'Bok Kei-Dei

⁴⁹ Na inh khan, “Ơ Kră Yang, lu sư khan gah inh. ‘Hăm trŏ 'bok noh pơma pơtih đĕch?’ ”

Êsêkiên 20:49 Referans Kwoze

Yo 16:25

“Inh bơtho iĕm dôm tơdrong 'noh păng nơ̆r pơtih gia ngăl. Mă ning-mônh kơnh Inh ưh pă bơtho păng nơ̆r pơtih gia boih. Inh gô pơma hơdah hloi gah tơdrong 'Bă Inh.

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Êsêkiên 17:2

“Ơ kon bơngai, athei pơpơn, pơma pơđơ̆k păng pơtih gia kơ lu adrĕch Isơrael.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 12:9

“Ơ kon bơngai, adrĕch Isơrael jing adrĕch mă 'maih iung tơblah hăm đei jet ih: ‘Ih pơm kiơ thoi noh?’

Êsêkiên 21:1

Kră Yang khan kơ inh thoi âu:

Êsêkiên 24:3

Pơma bĕ nơ̆r pơtih gia kơ lu adrĕch arăng kơ̆l noh; Kră Yang khan thoi âu: Hơtŏk bĕ gŏ păng tuh đak.

Êsêkiên 37:18

Tơdah lu adrĕch adrung ih đei jet: ‘Ih ưh kơ wă tơblang ăn kơ lu nhôn băt tơdrong noh wă khan kiơ hă?’

Hôsia 12:10

Inh kư̆m đei khan boih kơ lu bơngai khan lê̆ adrol; Inh boih đei ăn thim tơdrong tơ'bôh, păng Inh kư̆m đei ăn lu bơngai khan lê̆ adrol pơtruh nơ̆r pơtih gia đơ̆ng Inh.