Êsêkiên 20:46 - Sơ̆p Hlabơar Nơ̆r 'Bok Kei-Dei

⁴⁶ Ơ kon bơngai, lăng bĕ muh măt tơ gah gơal, bơtho khan blah bĕ char gah gơal păng khan lê̆ adrol wă blah lu bri kơdrơ̆ng lăm char gah gơal.

Êsêkiên 20:46 Referans Kwoze

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Êsêkiên 21:2

Ơ kon bơngai, tơwih bĕ muh măt tơ gah Jêrusalem; athei khan na blah anih 'lơ̆ng rơgoh, păng khan lê̆ adrol blah teh đak Isơrael.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Êsêkiên 6:2

“Ơ kon bơngai, athei tơwih muh măt ih tơklă tơ lu kông Isơrael păng khan lê̆ adrol blah plơ̆ lu sư

Êsêkiên 4:7

Kơplah noh ih athei oei tơwih muh măt ih tơ gah tơdrong wang pơlei Jêrusalem; păng sơk ti hoh hăm nơ̆r khan lê̆ adrol wă blah plơ̆ sư.

Je 22:7

Inh gô wơh lu linh năm pơrăm ih, lu sư chĕp sung tơgăk; lu sư gô ret lê̆ hơpok tơpơng 'lơ̆ng mă lu ih đei rơih, păng klơ̆m lê̆ lăm ŭnh.

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Jop 29:22

Đơ̆ng rŏng kơ inh pơma, lu sư ưh pă đei bu pơma dơ̆ng bơih; Nơ̆r inh pơma mơ̆t jrŭ lăm jơhngơ̆m lu sư.

Both 32:2

Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

Êsêkiên 20:45

Nơ̆r Kră Yang khan kơ inh.

Êsêkiên 21:4

Yua kơ Inh wă pơrăm lu bơngai tơpăt păng lu bơngai kơnê̆ đơ̆ng lăm lu iĕm, na inh toh đao Inh đơ̆ng hơnglop blah lu iĕm iŏk đơ̆ng gah gơal truh tơ gah yă-nơ̆m.

Êsêkiên 11:4

Thoi noh khan lê̆ adrol bĕ wă blah lu sư, ơ kon bơngai khan lê̆ adrol bĕ.”