Êsêkiên 20:40 - Sơ̆p Hlabơar Nơ̆r 'Bok Kei-Dei

⁴⁰ Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 20:40 Referans Kwoze

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Malachi 3:4

Dang ei tơmam soi đơ̆ng bơngai Juđa hăm pơlei Jêrusalem gô gơh pơm ăn jơhngơ̆m Kră Yang lăp đon, kư̆m thoi lu ki sơ̆ păng thoi lu sơnăm chăl kră sơ̆.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Êsêkiên 43:27

Đơ̆ng rŏng năr kơ lu năr noh hlôi boih, đơ̆ng năr mă tơhngam tơ anăp, lu 'bok soi gô pơyơ̆r tơmam soi 'buh păng tơmam soi 'blŏk bơnê lu iĕm 'bơ̆t chơnang soi noh, thoi noh Inh gô iŏk dôm tơmam soi noh, Kră Yang khan.”

Êsêkiên 17:23

Inh gô pơtăm 'long noh kơpal kông kơjung Isơrael; 'long noh bluh tơ'bla păng đei plei; jing 'long hơngo 'lơ̆ng đĭ-đăng. Lu sem gô pơm tơpu oei tơ noh, đĭ-đăng lu adrĕch đei pơnăr gô kôp tơ yơ̆p tơ'bla 'long noh.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Tơdrông Tơ'bôh 21:10

Đang sư pơma thoi noh boih, na inh ưh kơ băt thoi yơ Yang Bơhngol 'Lơ̆ng ăn kơ linh jang pôk anhăk ba inh tơ kông tih kơjung, na sư tơ'bôh kơ inh Pơlei Jêrusalem 'nao, mă đe anăn Pơlei 'Lơ̆ng 'Bok Kei-Dei, jur đơ̆ng plĕnh.

Tơdrông Tơ'bôh 12:1

Klaih kơ noh đei tơdrong tơ plĕnh ti hlĭch tơpă, đei minh 'nu bơngai drŏ-kăn hrŭk ao hơdah dang măt 'năr, tơ jơ̆ng sư đei măt khei. Tơ kơ̆l sư yơ̆l môk đei mơjĭt-'bar tŏ sơnglŏng.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Ob 1:16

Sĭt thoi ih đei huch tơdrong Inh phak tơ kông rơgoh Inh thoi yơ, na đĭ-đăng teh đak kư̆m gô huch thoi noh; sĭt, lu sư gô huch sa păng luăn hloi, huch ling-lang pă pơdơh đơ̆ng noh lu sư gô lôch hiong thoi ưh tam đei lu sư!

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

II Sam 24:23

Ơ pơtao! Arauna apinh pơyơ̆r ăn kơ pơtao đĭ-đăng tơmam noh.” Arauna tơl dơ̆ng: “Apinh Kră Yang 'Bok Kei-Dei pơtao tơl tơwih nơ̆r pơtao.”

Êsêkiên 17:22

'Nâu nơ̆r Kră Yang Tih Hloh khan: Inh gô iŏk kơnhŏng tơmơ̆ng 'long hơngo gô pơtăm sư. Inh gô gơ̆ iŏk tơmơ̆ng păng Inh gô pơtăm 'long noh kơpal kông kơjung.

Êsêkiên 28:14

Đe tuh kơ ih đak rơmă wă pơm chêrubim gak bơwei. Inh dan ih tơ kơpal kông rơgoh Kră Yang 'Bok Kei-Dei; ih yak năm tŏk-bŏk jơmŏng rang hơdah thoi ŭnh.

Êsêkiên 40:2

Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.