Êsêkiên 20:35 - Sơ̆p Hlabơar Nơ̆r 'Bok Kei-Dei

³⁵ Inh gô chông ba lu iĕm năm tơ char glă lu kon pơlei nai, tơ noh, Inh gô sek tơlang lu iĕm 'bơ̆t anăp măt.

Êsêkiên 20:35 Referans Kwoze

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Êsêkiên 20:36

Thoi Inh hlôi sek tơlang 'bok yă lu iĕm lăm char glă tơ Êyiptơ, inh kư̆m sek tơlang lu iĕm thoi noh mơ̆n, Kră Yang khan thoi noh.

Êsêkiên 19:13

Dang ei pơtăm sư tơ char glă lăm teh hrĕng kro ưh kơ đei đak.

Êsêkiên 17:20

Inh gô dăng hơnhuăl kơ sư, sư gô hrơ̆p 'bơ̆t hơnhuăl Inh; Inh gô chông lu sư tơ Babilôn, tơ noh Inh gô phak lu sư yua kơ tơdrong yoch mă sư ưh kơ chu kơ Inh.

Je 2:35

‘Lu iĕm oei khan nhôn ưh kơ đei yoch, Kră Yang huay hil kơ nhôn. 'Nâu yua kơ iĕm khan nhôn ưh kơ đei yoch kiơ.’ Inh gô sek tơlang kơ iĕm.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Êsêkiên 38:22

Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Je 2:9

Kră Yang khan: “Thoi noh na Inh jô̆ lu iĕm yoch păng truh tơ sâu se lu iĕm mơ̆n.

I Sam 12:7

Na dang ei, năm bĕ 'bơ̆t anăp Kră Yang, lê̆ inh gô sek tơlang lu iĕm lăm dôm tơdrong 'lơ̆ng tơpăt Kră Yang đei pơm tơgŭm lu iĕm păng yă 'bok lu iĕm.

Horiso 74:22

Ơ Kră Yang 'Bok Kei-Dei, iung bĕ dŏng tơdrong Ih, Athei 'blŏk bĕ lu kơtul pơjăm Ih prăt năr?

Êsai 3:14

Kră Yang sek tơlang lu bơngai kră păng lu kră pơgơ̆r kon pơlei Sư khan: “Lu iĕm luăn sa bơih pơgar hơmu. Tơtông iŏk tơmam lu bơngai dơnuh oei tơ lăm hnam lu iĕm.

Je 31:2

Kră Yang khan: “Minh adrĕch adrung klaih đơ̆ng đao gưm đei boih pŭn hiôk lăm char glă, kơplah Inh ăn kơ lu bơngai Isơrael pơdơh hiôk-hian.”

Hôsia 2:16

Kră Yang khan thoi âu: “Lăm năr noh ih gô krao Inh: Klo inh; păng ưh pă krao Inh khan: Yang Baal inh dơ̆ng.