Êsêkiên 20:33 - Sơ̆p Hlabơar Nơ̆r 'Bok Kei-Dei

³³ Kră Yang khan: Thoi Inh mă arih ling-lang, Inh gô pơgơ̆r lu iĕm hăm tơpang ti pran kơtang, Inh yơ̆r ti tơ kơpal păng tuh tơdrong hil mĭl.

Êsêkiên 20:33 Referans Kwoze

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Êsai 31:3

Lu bơngai Êyiptơ jơ̆ kon bơngai hmă đĕch, ưh kơ trŏ kơ Kră Yang 'Bok Kei-Dei ôh, lu aseh sư jơ̆ sĕch akar đĕch, ưh kơ trŏ kơ yang ôh, mưh Kră Yang yơ̆r ti Sư wă pơm, bơngai tơgŭm đe gô kơtơih, bơngai mă đe tơgŭm gô pơ̆k, 'bar 'nu măr sư gô lôch hiong hơdai.

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Êsêkiên 22:22

Thoi hu lek lăm ŭnh thoi yơ, na lu iĕm kư̆m gô lek lăm noh thoi noh mơ̆n, na lu iĕm gô băt Inh boih Kră Yang mă tuh boih tơdrong Inh hil mĭl tơ lu iĕm.’ ”

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.