Êsêkiên 20:27 - Sơ̆p Hlabơar Nơ̆r 'Bok Kei-Dei

²⁷ Thoi noh, ơ kon bơngai, athei khan kơ adrĕch Isơrael thoi âu: 'Nâu nơ̆r Kră Yang khan: 'Bok yă lu iĕm pơma blông hăm Inh, yua kơ lu sư ưh wă chu Inh.

Êsêkiên 20:27 Referans Kwoze

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

Êsêkiên 3:27

Mă-lei mưh Inh khan kơ ih, Inh pơih 'bơ̆r ih păng Ih gô khan kơ lu sư, Kră Yang tih hloh khan thoi âu: Bu mơ̆ng athei mơ̆ng bĕ, bu sơngah kuă kơ mơ̆ng, lê̆ sư sơngah yua kơ lu sư adrĕch adrung ayăt plơ̆.

Êsêkiên 3:11

Năm bĕ tơ lu bơngai mă đe puh boih lăm lu kon pơlei ih pơm bơnă, khan kơ lu sư 'nâu nơ̆r Kră Yang Tih Hloh khan, mă lu sư mơ̆ng dah ưh.”

Êsêkiên 3:4

Na Sư khan kơ inh: “Ơ kon bơngai, năm bĕ tơ adrĕch Isơrael, năm roi nơ̆r Inh kơ lu sư.

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Tơdrông Tơ'bôh 13:5

Na yă-grai ei ăn kơ sem 'noh pơma pơang akâu kơdih păng pơma blông kơ 'Bok Kei-Dei. Sư gơh pơgơ̆r kơplah puăn-jĭt 'bar khei đĕch.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Horiso 78:57

Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.

Êsai 65:7

Tơdrong yoch kơnê̆ lu sư hăm tơdrong kơnê̆ yă 'bok lu sư.” Kră Yang khan: “Yua kơ lu sư soh bơih 'long 'bâu phu kơpal lu kông, păng pơma kơnê̆, blei hiap Inh kơpal lu groi na Inh gô phak jô̆ akŭm đĭ dôm tơdrong yoch đêl lu sư pơm bơih đơ̆ng adrol sơ̆.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 39:23

Đĭ-đăng lu teh đak gô băt adrĕch Isơrael đe chông ba pơm bơnă yua kơ tơdrong yoch lu sư yua kơ lu sư sơngah ưh kơ chu Inh. Yua kơ thoi noh Inh ôn muh măt Inh đơ̆ng lu sư, Inh pơjao lu sư lăm ti lu bơngai ayăt, lu sư gô lôch đĭ-đăng đơ̆ng đao gưm.

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.