Êsêkiên 2:9 - Sơ̆p Hlabơar Nơ̆r 'Bok Kei-Dei

⁹ Na inh lăng, inh 'bôh ti chro truh tơ inh; lăm ti đei minh sơnôm hla bơar.

Êsêkiên 2:9 Referans Kwoze

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Da 10:10

Đơ̆ng noh đei tơpang ti pel inh, na inh iung hơtơ̆p kŭl-tăng, tơjră ti tơ teh.

Êsêkiên 3:1

Sư khan kơ inh: “Ơ kon bơngai, sa bĕ tơmam mă ih 'bôh 'bơ̆t anăp; sa bĕ sơnôm hla bơar âu păng năm, khan kơ adrĕch Isơrael.”

Hêbrơ 10:7

Thoi noh na dang ei Inh wă khan kơ Ih, ơ Kră Yang, Inh wă jur jang dôm tơdrong thoi Ih wă, thoi đe chih roi lăm sơ̆p hla bơar Ih.”

Da 5:5

Lăm jơ noh hloi đei hơnglâu ti, chih tơ tơnăr hnam pơtao, tơklă 'bơ̆t anih dan jơ̆ng ŭnh kơđeng păng pơtao 'bôh hloi tơpang ti noh oei chih.

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Sa 5:1

Inh ngơk păng bơyar măt inh lăng dơ̆ng, na 'bôh đei minh sơ̆p hla bơar akar đông!

Sa 5:3

Đơ̆ng noh sư khan kơ inh: “'Nâu jing tơdrong hiap pơtê̆ jơ̆p-jang kơ teh đak; yua kơ kiơ̆ kơ sơ̆p hla bơar đei chih boih tơ gah minh pah, rim 'nu bơngai bu mă tơtông klĕ đe gô pơrăm lê̆ sư, đơ̆ng noh kư̆m kiơ̆ kơ hla bơar đei chih tơ minh pah nai dơ̆ng bơngai bu mă kăt tơdra hơkar hơlĕnh đe kư̆m gô pơrăm lê̆ sư.”