Êsêkiên 18:19 - Sơ̆p Hlabơar Nơ̆r 'Bok Kei-Dei

¹⁹ Lu iĕm đei jet: “Liơ kon sư ưh kơ pŭ tơdrong yoch kơnê̆ 'bă sư? Dah đei bu pơm 'lơ̆ng tơpăt pơm kiơ̆ khôi juăt Inh, tơpă sư gô đei tơdrong arih.

Êsêkiên 18:19 Referans Kwoze

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Êsêkiên 18:9

Chu kiơ̆ khôi juăt păng chu răk nơ̆r Inh tơtă. Bơngai âu arih sa tơpăt, noh jing bơngai tơpăt, sư gô đei tơdrong arih, Kră Yang khan thoi noh.

Êsêkiên 18:2

“Lu iĕm tơchĕng nơ̆r âu pơđơ̆k kơ teh đak Isơrael wă khan kiơ? ‘Chăl 'bă sư sa plei hơmu iŭ, chăl kon hơker hơnĕnh,’

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Êsêkiên 20:30

Thoi noh, khan bĕ kơ adrĕch Isơrael: Kră Yang khan: Lu iĕm pơm kiơ̆ trong 'bok yă lu iĕm, lu iĕm pơm pơyô kư̆ kă kiơ̆ lu rup yang kơnê̆ krưp noh hă?

Êsêkiên 20:24

yua kơ lu sư ưh kơ chu kiơ̆ nơ̆r Inh tơtă, hŭt lê̆ khôi juăt Inh, pơm pơ'mê̆ kơ năr Sa'bat Inh, păng măt lu sư 'maih lăng chu kiơ̆ kơ rup yang 'bok yă lu sư.

Nhom 5:7

'Bok yă lu nhôn pơm yoch boih, dang ei lu sư lôch đĭ boih. Lu nhôn pŭ iŏk tơdrong kơnê̆ lu sư.

II Pot 23:26

Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

Êsêkiên 18:18

Mă-lei 'bă sư pơm yoch pơjuă đe, tơtông tơmam lu 'nhŏng oh sư, pơm ưh kơ 'lơ̆ng lăm pơlei sư, sư gô lôch yua kơ tơdrong yoch kơnê̆ mă sư đei pơm.

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’