Êsêkiên 16:46 - Sơ̆p Hlabơar Nơ̆r 'Bok Kei-Dei

⁴⁶ Mŏ ih Samari, oei hăm lu kon drŏ-kăn sư tơ gah yă-nơ̆m kơ ih; păng lu oh ih pơlei Sôđôm oei hơdai hăm lu kon drŏ-kăn sư tơ gah gơal kơ ih.

Êsêkiên 16:46 Referans Kwoze

Êsêkiên 23:4

Mŏ sư anăn Ôhôla păng oh sư anăn Ôhôliba. Lu sư gah Inh, đei pơjing kon drŏ-nglo kon drŏ-kăn. Ôhôla noh jơ̆ pơlei Samari, păng Ôhôliba noh jơ̆ pơlei Jêrusalem.

Êsêkiên 16:61

Kơplah ih sơng iŏk lu mŏ oh ih, ih gô 'blŏk kơ trong gơlong ih năm păng ih gô mơlâu; Inh gô ăn lu sư jing lu kon drŏ-kăn ih, mă khan lu sư ưh kơ đei lăm tơdrong pơgơ̆p Inh hăm ih.

Êsêkiên 16:51

Samari pơm yoch tam đei minh puăt tơdrong, yoch mă ih đei pơm; ih pơm boih tơdrong kơnê̆ krưp hloh kơ lu sư. Thoi noh ih pơm kơ mŏ oh ih bơngai nhen thoi tơpăt 'biơ̆ kơ ih, yua kơ đơ̆ng đĭ-đăng tơdrong kơnê̆ ih pơm boih.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

II Pet 2:6

Sư kư̆m phak Pơlei Sôđôm hăm Pơlei Gômôrơ, soh rông chhông hnam lu sư. Sư pơm thoi noh wă tơ'bôh kơ lu bơngai pơm kơnê̆, wă tơbăt kơ lu sư 'Bok Kei-Dei kư̆m gô phak lu sư thoi noh tơpă.

Mi 1:5

Đĭ-đăng tơdrong noh yua kơ đơ̆ng Jakôp pơm yoch păng yua kơ tơdrong yoch adrĕch bơngai Isơrael. Jakôp pơm tơdrong yoch glăi kiơ? Hăm trŏ kơ pơlei Samari? Lu anih kơjung Juđa noh kiơ? Hăm trŏ noh pơlei Jêrusalem?

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Êsêkiên 26:6

Lu kon pơlei sư oei tơ chŭn mir đe gô pơlôch hăm đao; păng lu sư gô băt Inh boih Kră Yang.

Êsêkiên 23:11

Oh drŏ-kăn sư Ôhôliba 'bôh thoi noh boih na roi pơm đi kư̆ kă hloh kơ mŏ sư.

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Both 32:32

Lu ayăt noh tơm hơmu chăt lăm pơlei Sôđôm lăm mir pơgar pơlei Gômôrơ. Plei hơmu lu sư đei đak hơkăm, hơie hơmu lu sư jing tăng.

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Bl 14:8

Đơ̆ng noh lu pơtao Sôđôm, Gômôrơ, Atma, Jeboim păng pơtao Bêla, đe krao Soa, sư lĕch năm tơblah sư pơrĕng klah asong linh sư lăm thŭng Sidim,

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Êsêkiên 23:2

“Ơ kon bơngai, đei 'bar 'nu drŏ-kăn, đơ̆ng minh pôm mĕ. Pơjing.

Êsai 10:11

Inh ưh kơ wă pơrăm rup yang pơlei Jêrusalem hă? Thoi inh đei pơm bơih kơ pơlei Samari hăm rup yang sư?”

Hôsia 14:1

Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.