Êsêkiên 16:45 - Sơ̆p Hlabơar Nơ̆r 'Bok Kei-Dei

⁴⁵ Ih boih kon drŏ-kăn mĕ ih, bơngai hŭt tŭk lê̆ kon klo; ih jing oh kơ lu mŏ oh ih, bơngai mă hŭt tŭk lê̆ kon klo sư; mĕ ih bơngai Hêtit, 'bă ih bơngai Amôrit,

Êsêkiên 16:45 Referans Kwoze

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsêkiên 23:2

“Ơ kon bơngai, đei 'bar 'nu drŏ-kăn, đơ̆ng minh pôm mĕ. Pơjing.

Êsêkiên 16:15

Mă-lei ih gơnang kơ tơdrong 'lơ̆ng liĕm kơdih akâu, yua kơ tơdrong đe ư-ang kơ ih, na ih jing pơm pơyô kư̆ kă chă pơjao akâu kơdih 'bĭch hăm lu bơngai chă năm rok brih găn.

Êsêkiên 16:8

Inh năm brih lăng 'bôh ih, sơnăm ih 'lŏ trŏ kơ sơnăm băt kơ hưch wă; Inh iŏk tơdrơi ao Inh tơsu kơ ih, klơ̆p tơdrong koh hoh ih. Inh pơkă păng pơgơ̆p hăm ih, ih jing gah Inh bơih, Kră Yang Tih Hloh khan thoi noh.

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

Êsêkiên 16:3

Kră Yang Tih Hloh khan: ‘Khan bĕ kơ Jêrusalem thoi âu: Anih tơm rơh tơpŭ kơ ih đơ̆ng dêh char Kanaan, 'bă ih bơngai Amôrit, mĕ ih bơngai Hêtit.