Êsêkiên 16:43 - Sơ̆p Hlabơar Nơ̆r 'Bok Kei-Dei

⁴³ Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 16:43 Referans Kwoze

Êsêkiên 16:22

Lăm dôm tơdrong kơnê̆ krưp, tơdrong pơm pơyô kư̆ kă, ih ưh kơ 'blŏk ôh kơplah năr oei nge, oei koh hoh, pơpơ̆ lăm pham kơdih.

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Horiso 78:42

Lu sư ưh kơ 'blŏk tơdrong mơsêh Kră Yang, lăm năr Kră Yang pơklaih lu sư;

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Horiso 106:13

Mă-lei lu sư 'bônh kơ hiơt kơ tơdrong Sư đei pơm boih. Ưh pă đei gô nơ̆r Kră Yang pơđâu.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Am 2:13

Inh gô kơtĭt lu iĕm kơtă anih lu iĕm kư̆m thoi gre chơ 'ba 'bĕnh kơtĭt juă tơ teh.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Horiso 78:40

Băt đei hơdôm wơ̆t lu sư pơm kơnê̆ hăm Kră Yang tơ char 'blach, păng pơm ăn kơ Sư sơ'ngon tơ teh dơnă!

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Êsêkiên 16:58

Kră Yang khan: Ih athei pŭ iŏk tơdrong truh đơ̆ng ih pơm pơyô kư̆ kă păng tơdrong kơnê̆ krưp ih.

Êsêkiên 17:19

Na Kră Yang Tih Hloh khan: Tơpă thoi Inh mă arih ling-lang, Inh gô tuh tơ kơpal kơ̆l lu sư nơ̆r pơkă hơlĕnh pơrăm lê̆ tơdrong pơgơ̆p Inh.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.