Êsêkiên 16:39 - Sơ̆p Hlabơar Nơ̆r 'Bok Kei-Dei

³⁹ Inh gô jao ih lăm tơpang ti lu bơngai mă ih hưch. Lu sư gô teh tơpăk anih kơjung ih păng teh tơlơ̆ lu anih ih juăt kơkuh, iŏk lê̆ tơmam ih pơguăng păng plôh yaih lê̆ hơbĕn ao ih, lê̆ ih akâu hoh.

Êsêkiên 16:39 Referans Kwoze

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Êsêkiên 23:26

Lu sư gô plôh hơbĕn ao ih, lu sư gô iŏk đĭ tơmam pơguăng gĭt đơ̆ng ih.

Êsêkiên 23:29

Lu sư gô iŏk tơdrong areh pơm kơ ih, tơgar iŏk đĭ dôm tơmam đơ̆ng ih jang, lê̆ ih koh hoh, đĭ tơdrong ih koh hoh, ngôi kư̆ kă gô tơ'bôh pơdah tơ 'nguaih.

Êsêkiên 16:31

Ih pơm anih kơkuh rim tơm trong, pơjing anih kơjung tơ rim anih akŭm pơđâu lăm pơlei; ih ưh kơ sĭ thoi bơngai drŏ-kăn pơm đi, yua kơ đe ưh kơ apah jên.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.