Êsêkiên 16:25 - Sơ̆p Hlabơar Nơ̆r 'Bok Kei-Dei

²⁵ Tơ rim kơ̆l trong tih ih đei pơjing anih kơjung kơ ih, hăm lăng ưh kơ gĭt tơdrong 'lơ̆ng hơbŏ ih, tĕch mơdro akâu ih tơ noh, pơyơ̆r akâu kơ lu bơngai yak brih găn pơm kư̆ kă.

Êsêkiên 16:25 Referans Kwoze

Êsêkiên 16:31

Ih pơm anih kơkuh rim tơm trong, pơjing anih kơjung tơ rim anih akŭm pơđâu lăm pơlei; ih ưh kơ sĭ thoi bơngai drŏ-kăn pơm đi, yua kơ đe ưh kơ apah jên.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.

Êsêkiên 23:32

Kră Yang khan thoi âu: “Ih gô nhă pơnhan mŏ ih; pơnhan jrŭ păng să, ih gô jing bơngai đe hiĕk che bơle păng pơjăm yua kơ pơnhan noh mong lơ.

Êsêkiên 16:15

Mă-lei ih gơnang kơ tơdrong 'lơ̆ng liĕm kơdih akâu, yua kơ tơdrong đe ư-ang kơ ih, na ih jing pơm pơyô kư̆ kă chă pơjao akâu kơdih 'bĭch hăm lu bơngai chă năm rok brih găn.

Je 6:15

Lu sư pơm yoch kơnê̆ dêh hăm mơlâu ưh? Lu sư ưh kơ đei mơlâu ôh, muh măt lu sư ưh kơ đei layơ đum rak mơlâu. Kŭm ưh kơ băt mơlâu noh kiơ. Lei na lu sư gô pơ̆k hơdai hăm lu bơngai mă pơ̆k huŏng; truh năr Inh phak pơmat lu sư, lu sư gô hraih đang.” Kră Yang khan thoi noh.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Bl 38:21

Buăl sư ei apinh anih mă duch ei oei thoi âu: Bơngai drŏ-kăn đi ki sư ngôi 'bơ̆t trong 'măng jang pơlei Ênaim tơ yơ kih? Lu sư tơl thoi âu: Tơ âu ưh kơ đei adruh đi.

Bl 38:14

Na Tamar plôh hloi ao adro sư iŏk hloi hơdrao klơ̆p hloi muh măt sư păng pơ̆n lê̆ akâu, đơ̆ng noh tơoei 'bơ̆t 'măng jang pơlei Ênaim, trong mă năm tơ Thimna; pơm thoi noh yua kơ 'bôh Sêla 'lŏ boih, mă-lei Juđa ưh tam mă ăn oei kơ sư.

Êsai 23:17

Kơtĕch tơpơh-jĭt sơnăm bơih, Kră Yang gô năm tơmang pơlei Tir, pơlei sư gô pơm thoi đêl dơ̆ng, sư gô mơdro mơchan hăm rim dêh char lăm teh đak âu.

Je 11:15

“Kon pơlei mă Inh 'mêm kơeng pơm kiơ boih lăm hnam Inh? Lu sư pơm yoch kơnê̆. Nơ̆r pơkă păng 'nhĕm tơmam soi hăm gơh găn tơdrong răm wă truh kơ lu iĕm ưh? Lu iĕm chơt hiôk kơplah noh ră?

Na 3:4

Noh yua kơ đơ̆ng bơngai đi pơm kư̆ kă pă kĕ jô̆, pơrŏ akâu chă pơhlŭ đe thoi noh. Chă hơlĕnh lu adrĕch kon bơngai hăm tơdrong pơm đi lu sư păng tĕch kon pơlei pơla hăm đi păng adrĕch adrung 'nhŏng oh sư hăm tơdrong pơm pơjâu tơwir hơlĕnh.

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.