Êsêkiên 16:15 - Sơ̆p Hlabơar Nơ̆r 'Bok Kei-Dei

¹⁵ Mă-lei ih gơnang kơ tơdrong 'lơ̆ng liĕm kơdih akâu, yua kơ tơdrong đe ư-ang kơ ih, na ih jing pơm pơyô kư̆ kă chă pơjao akâu kơdih 'bĭch hăm lu bơngai chă năm rok brih găn.

Êsêkiên 16:15 Referans Kwoze

Êsêkiên 16:25

Tơ rim kơ̆l trong tih ih đei pơjing anih kơjung kơ ih, hăm lăng ưh kơ gĭt tơdrong 'lơ̆ng hơbŏ ih, tĕch mơdro akâu ih tơ noh, pơyơ̆r akâu kơ lu bơngai yak brih găn pơm kư̆ kă.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Êsai 57:8

Lu iĕm dan tơmam wă kơ 'blŏk gah rŏng kơ 'măng păng gah rŏng kơ lu jrăng 'măng. Lu iĕm achăng lê̆ Inh păng pơih pơdah bơih, giơng lu iĕm pơm kư̆ kă. Tŏk tơ kơpal giơng pơm kơ giơng iĕm rai să. Lu iĕm pơjing tơdrong pơgơ̆p hăm lu sư, iĕm lăng 'mêm kơ giơng, păng hưch kơ tơdrong lu sư jơ̆ng jôch.

Êsêkiên 23:3

Bre sư pơm đi lăm char Êyiptơ, bre sư pơm đi đơ̆ng oei 'lơ̆p tơ noh, toh bre sư đe chơpĕt, tơ noh tơdrong hơdruh 'lơ̆ng hơnĭl bre sư đe pơhiah lê̆.

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Hôsia 4:10

Lu sư gô sŏng sa mă-lei ưh kơ phĭ. Lu sư gô pơm pơyô kư̆ kă mă-lei ưh pă đei hơ'lơ̆p; yua kơ lu sư achăng lê̆ boih Kră Yang, thoi noh 'maih pơm pơyô kư̆ kă.

Êsêkiên 33:13

Tơdah Inh khan kơ bơngai tơpăt. Tơpă ih gô arih mă-lei tơdah sư gơnang kơ tơdrong tơpăt sư kơdih na pơm yoch, Inh ưh pă đei 'blŏk dơ̆ng kơ tơdrong tơpăt mă sư pơm boih, na sư gô lôch lăm tơdrong yoch sư đêl pơm.

Êsêkiên 27:3

Khan bĕ kơ pơlei Tirơ: Ih jing pơlei oei trong 'măng jang đak dơsĭ, mơdro sa hăm lơ pơlei oei lăm bŏl dơsĭ: Kră Yang khan thoi âu: ‘Ơ Tirơ, ih đei khan: Inh 'lơ̆ng hơbŏ tôm tĕch.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Horiso 106:35

Mă-lei oei hơbĭ hơdai hăm kon pơlei noh. Pơhrăm pơm kiơ̆ tơdrong juăt lu đe noh.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 17:7

Tơdrong 'nâu truh yua kơ kon pơlei Isơrael đei pơm yoch boih hăm Kră Yang 'Bok Kei-Dei lu sư, Tơ'ngla mă hlôi dui iŏk lu sư lĕch đơ̆ng dêh Êyiptơ; păng đơ̆ng pơtao Pharaôn pơtao đe Êyiptơ pơgŏ pơđep lu sư. Lu sư hlôi kơkuh bơih kơ yang nai,

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 11:5

Yua kơ Sôlômôn kơkuh kơ Astoret yang drŏ-kăn yang lu bơngai Siđôn păng chu kiơ̆ kơ Milkôm yang lu bơngai Ammôn yang kơnê̆ dêh.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 3:6

lu sư iŏk kon adruh đe noh pơm akăn păng ăn kon drŏ-kăn lu sư oei kơ kon tơdăm đe noh păng kơkuh kiơ̆ kơ yang đe noh. Chih roi gah lu 'bok sek tơlang

Lu 2:12

Hŭt lê̆ Kră Yang 'Bok Kei-Dei 'bok yă lu sư, Tơ'ngla mă chông lu sư lĕch đơ̆ng dêh Êyiptơ. Lu sư lui kiơ̆ kơ yang nai đơ̆ng lu adrĕch adrung jum dăr kơ lu sư, drap kơkuh kơ lu yang noh păng pơm kơ Kră Yang hil blĕk kơ lu sư.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.

Êsêkiên 16:16

Ih iŏk ao tai wă pơrŏ pơm anih kơjung kơdih wă kơkuh pơyom, pơm pơyô kư̆ kă tơ noh. Tơdrong noh ưh kơ đei layơ trŏ lăp, ưh kơ layơ wă đei.

Hôsia 4:18

Wă sik lu sư đĭ boih, lu sư oei pơm pơyô kư̆ kă; lu kră pơgơ̆r lu sư lăp đon pơm tơdrong mơlâu.

Hôsia 9:1

'Nĕ kơ chhôk hal. Ơ bơngai Isơrael! 'Nĕ kơ chơt hiôk dêh thoi adrĕch adrung nai! Ih achăng lê̆ boih Kră Yang 'Bok Kei-Dei lu iĕm. Păng pơm kơnê̆, pơm pơyô kư̆ kă boih, Lăp đon boih iŏk drŏ-kăn đi tơ jơ̆p-jang anih preh 'ba.