Êsêkiên 14:21 - Sơ̆p Hlabơar Nơ̆r 'Bok Kei-Dei

²¹ Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 14:21 Referans Kwoze

Êsêkiên 33:27

Khan bĕ kơ lu sư tơdrong âu: Kră Yang khan Thoi Inh mă arih, lu bơngai lăm anih răm rai gô lôch kơ đao; Lu bơngai oei lăm kơđông dah lăm hơlŭng gô lôch kơ jĭ hơbuh, lu bơngai oei lăm bri brah gô pơm tơmam sa kơ lu sem bri.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Êsêkiên 14:19

Dah Inh ăn tơdrong lôch hơbuh truh lăm char noh, Inh tuh tơdrong hil hăm pham lĕch, wă pơlôch pơrăm đĭ bơngai hăm lu sem dơrong,

Êsêkiên 14:17

Dah mă Inh ăn đei tơdrong tơblah hăm char noh păng khan: ‘Athei ăn kơ đe iŏk đao hơlă tơblah lăm char’ păng pơlôch pơrăm đĭ kon bơngai păng lu sem dơrong,

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

II Sam 24:13

Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Êsêkiên 14:20

Kră Yang Tih Hloh khan, tơpă thoi mă Inh arih ling-lang, mă khan đei Nôê, Đaniel hăm Jop oei lăm char noh, lu sư kư̆m ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch yua kơ tơdrong tơpăt lu sư kơdih.

Êsai 51:19

'Bar tơdrong gleh 'nâu truh bơih kơ ih. Bu gô nhơ̆m hmoi kơ ih tơdrong pơrăm, pơngot rơwĕt păng đao gưm truh kơ ih, Bơngai bu gô pơlung ih.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.