Êsêkiên 14:15 - Sơ̆p Hlabơar Nơ̆r 'Bok Kei-Dei

¹⁵ Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:15 Referans Kwoze

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Lêwi 26:22

Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

II Pot 17:25

Kơplah lu sư 'nao oei tơ noh, lu sư ưh kơ kơkuh ôh kơ Kră Yang, na Kră Yang ăn dăm-brang năm châu pơlôch lu mơ'nah lăm lu sư.

I Pot 20:36

Na sư khan: “Yua kơ ih ưh kơ chu nơ̆r Kră Yang, na lăp ih weh đơ̆ng inh kơnh dăm-brang gô châu pơlôch ih.” Lăp sư weh, đei minh pôm Dăm-brang châu sư lôch hloi.

Jo 21:6

Kră Yang ăn 'bih tang truh choh kon pơlei Isơrael đei lơ bơngai lôch kơ 'bih choh,

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsai 51:19

'Bar tơdrong gleh 'nâu truh bơih kơ ih. Bu gô nhơ̆m hmoi kơ ih tơdrong pơrăm, pơngot rơwĕt păng đao gưm truh kơ ih, Bơngai bu gô pơlung ih.