Êsêkiên 14:14 - Sơ̆p Hlabơar Nơ̆r 'Bok Kei-Dei

¹⁴ Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Êsêkiên 14:14 Referans Kwoze

Êsêkiên 14:20

Kră Yang Tih Hloh khan, tơpă thoi mă Inh arih ling-lang, mă khan đei Nôê, Đaniel hăm Jop oei lăm char noh, lu sư kư̆m ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch yua kơ tơdrong tơpăt lu sư kơdih.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Êsêkiên 28:3

“Âu, ih hơgei hloh kơ Đaniel; ưh kơ đei tơdrong kiơ gơh ôn kơ ih!

Bl 7:1

Kră Yang khan kơ Nôê thoi âu: “Ih păng đĭ-đăng hnam dơnŏ ih mơ̆t bĕ lăm duk, yua kơ lăm lu bơngai chăl dang ei Inh 'bôh ih jơ̆ minh 'nu bơngai tơpăt.

Êsêkiên 14:18

Kră Yang Tih Hloh khan tơpă thoi Inh mă arih ling-lang, mă khan đei pêng 'nu drŏ-nglo noh oei lăm char noh, lu sư ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Da 10:11

Đơ̆ng noh, bơngai noh khan kơ inh thoi âu: Ơ Đaniel, bơngai mă Kră Yang 'Bok Kei-Dei 'mêm kơeng tơpă, ih athei băt hlôh bĕ nơ̆r mă inh đei pơma hăm ih. Kơplah đei bơngai pơma kơ inh nơ̆r ei, inh iung păng hli tơtơ̆.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Bl 6:8

Mă-lei Nôê đei pŭn 'bơ̆t anăp Kră Yang.

Êsêkiên 14:16

Kră Yang Tih Hloh khan, tơpă thoi Inh mă arih ling-lang, mă khan đei pêng 'nu drŏ-nglo noh oei lăm char noh, lu sư ưh kơ gơh pơklaih kon drŏ-nglo dah kon drŏ-kăn, lăp gơh pơklaih kơdih akâu lu sư đĕch; char noh jing bri juơ tơtŭng.

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Je 11:14

“Gah ih 'nĕ pă krao khan tơgŭm kon pơlei 'nâu, ih kư̆m 'nĕ yua kơ lu sư na krao apinh, yua kơ Inh ưh pă mơ̆ng boih mă lu sư krao apinh Inh kơplah lu sư đei tơdrong truh.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Je 7:16

Bĭ gah ih, 'nĕ pă krao khan ăn kơ adrĕch adrung 'nâu; kư̆m 'nĕ kơ ôr krao apinh yua kơ lu đe âu, ih kư̆m 'nĕ krao lung Inh, yua kơ Inh ưh kơ wă mơ̆ng ih ôh.

Tơdrông Pơđơk 11:4

Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Da 1:6

Lăm lu buăl noh đei Đaniel, Hanania, Mêsael păng Asaria adrĕch adrung bơngai Juđa.

Êsêkiên 3:19

Mă-lei tơdah ih khă tơbăt boih kơ bơngai pơm kơnê̆ noh, dah lu sư ưh kơ hŭt lê̆ trong pơm kơnê̆ kơdih, lu sư gô lôch lăm tơdrong yoch lu sư kơdih, mă-lei ih gô klaih huay pă pŭ.

Êsêkiên 16:18

Ih iŏk ao sĭt dônh tơsu kơ lu rup noh, iŏk đak rơmă ôliwơ, iŏk pơgang 'bâu phu Inh, na 'măn 'bơ̆t anăp lu sư.

Êsêkiên 16:20

Ih kư̆m rôp lu kon drŏ-nglo kon drŏ-kăn ih, mă ih tơpŭ kơ Inh, năm pơyơ̆r ăn kơ lu rup yang noh sa. Dôm tơdrong pơm pơyô kư̆ kă bơih, noh ưh tam mă tôm mă

I Ho 1:4

Lêmek pơjing Nôê, Nôê pơjing Sem, Cham păng Japhet. Adrĕch Japhet

Da 9:23

Đơ̆ng kơplah ih pơtơm 'nao krao apinh; păng inh truh tơ âu inh wă tơbăt kơ ih tơdrong noh; yua kơ ih bơngai mă 'Bok Kei-Dei 'mêm mơnat dêh. Thoi ei tơchĕng bĕ kơ tơdrong noh păng athei băt hlôh kơ tơdrong tơ'bôh.