Êsêkiên 13:9 - Sơ̆p Hlabơar Nơ̆r 'Bok Kei-Dei

⁹ Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Êsêkiên 13:9 Referans Kwoze

Êsêkiên 20:38

Inh gô pơrăm lu bơngai đơ̆ng lăm lu iĕm, bơngai mă blah Inh; Inh kư̆m gô chông tơlĕch lu sư đơ̆ng teh đak đe mă lu sư oei, mă-lei lu sư ưh kơ gơh mơ̆t lăm teh đak Isơrael. Thoi noh lu iĕm gô băt Inh boih Kră Yang.

Horiso 87:6

Kră Yang gô chih anăn lu kon pơlei lăm sơ̆p hla bơar na Sư gô jô̆: “Âu đe tơpŭ kơ sư tơ Siôn.” Sêla

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Esơra 2:59

'Nâu jơ̆ lu bơngai oei tơ lăm pơlei Tênmêla. Têlatsa, Kêrup, Ađôn păng Immer wih brŏk tơ pơlei Jêrusalem, ưh pă đei roi hơđăl lu oei lăm adrĕch bơngai Isơrael dah ưh:

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Luka 10:20

Iĕm 'nĕ chhôk kơ yang kơnê̆ chu iĕm, mă-lei iĕm athei chhôk kơ 'Bok Kei-Dei chih anăn iĕm tơ Pơlei 'lơ̆ng.”

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 11:10

Lu iĕm gô pơ̆k lôch yua kơ đao; Inh gô sek tơlang phak lu iĕm tơ hơdral char Isơrael. Lu iĕm gô băt Inh boih Kră Yang.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Horiso 101:7

Lu mă hơlĕnh pơdăr ưh kơ gơh oei tơ lăm hnam inh. Bơngai pơma hơlĕnh ưh kơ gơh dơ̆ng 'bơ̆t anăp inh.

Horiso 69:5

Ơ Kră Yang 'Bok Kei-Dei! Ih băt kơ tơdrong kơtul kơwao inh. Dôm tơdrong yoch inh ưh kơ gơh ôn kơ Ih.

Ne 7:64

Dôm lu bơngai noh chơchă adrĕch adrung lu sư kơdih. Mă-lei ưh kơ 'bôh, đơ̆ng noh ưh kơ gơh pơm 'bok soi, jô̆ khan 'mê̆-'mach.

Ne 7:62

Kon sâu Đêlaia, kon sâu Tôbia păng kon sâu Nêkôđa, tơdrâu-hrĕng puăn-jĭt 'bar 'nu.

I Pot 13:18

Bơngai khan lê̆ adrol kră 'noh tơl sư khan: “Inh kư̆m dai bơngai khan lê̆ adrol lei-lăi thoi ih. Đei minh 'nu linh jang 'lơ̆ng Kră Yang khan kơ inh: ‘Ih athei chông ba sư brŏk tơ hnam ih sŏng sa, nhă đak.’ ” Mă-lei bơngai khan lê̆ adrol kră hơlĕnh kơ sư.

Je 4:9

Kră Yang khan: “Lăm năr noh. Lu pơtao păng lu kră pơgơ̆r jơhngơ̆m lu sư rŭng răng; lu 'bok soi hli tơrơ, lu bơngai khan lê̆ adrol gô kơmăp lăl.”

Êsêkiên 13:14

Inh gô pơrăm dur mă lu iĕm bah chŭr, dur gô hơlih păk tơ teh, jơ̆ng sư prưk tơ 'nguaih mưh dur păk hơlih, lu iĕm gô lôch răm hơdai lăm noh; na lu iĕm gô băt Inh boih Kră Yang Tih Hloh.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Horiso 95:11

Yua kơ noh na Inh hil păng pơkă khan: “Lu sư ưh kơ đei layơ mơ̆t pơdơh lăm tơdrong hiôk Inh.”

Je 14:15

Thoi noh Kră Yang khan: “Gah lu bơngai mă khan lê̆ adrol hơlĕnh, lu sư yua anăn Inh na khan lê̆ adrol Inh ưh kơ đei wơh, mă-lei lu sư khan. ‘Đao gưm hăm pơngot rơwĕt ưh kơ truh tơ dêh char âu ôh.’ Lu bơngai khan lê̆ adrol noh boih gô lôch kơ đao gưm păng pơngot rơwĕt.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Mi 3:5

'Nâu jơ̆ nơ̆r Kră Yang khan gah lu bơngai khan lê̆ adrol, chông kon pơlei Inh na jrok trong, lu bơngai mă ăn rơnŭk rơnua tơmam sa lăm 'bơ̆r lu sư, lu sư khan: Wă tơblah hăm lu bơngai mă ưh kơ ăn tơmam sa kơ lu sư.

Mi 3:6

Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.