Êsêkiên 13:2 - Sơ̆p Hlabơar Nơ̆r 'Bok Kei-Dei

² “Ơ kon bơngai, khan lê̆ adrol bĕ wă kơ plơ̆ ayăt kơ lu 'bok khan lê̆ adrol bơngai Isơrael mă oei khan lê̆ adrol kiơ̆ kơ lu sư tơchĕng kơdih. Khan kơ lu sư: ‘Athei mơ̆ng bĕ nơ̆r Kră Yang!

Êsêkiên 13:2 Referans Kwoze

Êsêkiên 13:17

Bĭ ih, ơ kon bơngai, tơwih muh măt blah plơ̆ lu kon drŏ-kăn pơlei iĕm, khan lê̆ adrol bĕ blah lu sư. Lu sư khan lê̆ adrol kiơ̆ kơ jơhngơ̆m đon kơdih.

Je 37:19

Tơ yơ lu bơngai khan lê̆ adrol roi kơ ih khan: Pơtao Babilôn ưh kơ năm blah pơtao păng teh đak 'nâu?

Êsêkiên 22:28

Lu 'bok khan lê̆ adrol lu sư ôn tơdrong pơm kơ đe pik kơ lu sư chŭr; 'bôh tơdrong 'bôh hơlĕnh păng hlang lăng hơlĕnh, lu sư khan: Kră Yang khan thoi noh. Mă-lei Kră Yang ưh kơ khan ôh.

Êsêkiên 22:25

Lu 'bok khan lê̆ adrol lăm lu iĕm đei pơgơ̆p băl nhen thoi dăm-brang grĕnh hơrum sa tơmam đêl lu sư rôp. Lu sư châu sa bơngai, tơtông iŏk lu mŭk tơmam gĭt, pơm kơ lơ bơngai drŏ-kăn jing adro po lăm pơlei.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Mi 3:6

Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.

Êsêkiên 34:9

Na, ơ lu bơngai wei, mơ̆ng bĕ nơ̆r Kră Yang!

Êsêkiên 34:7

Thoi noh ơ lu bơngai wei triu, mơ̆ng bĕ nơ̆r Kră Yang:

Êsêkiên 13:3

Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Je 27:18

Dah lu sư bơngai khan lê̆ adrol tơpă păng đei nơ̆r Kră Yang, lei lê̆ lu sư krao khan apinh Kră Yang Tih Hloh, wă kơ tơmam gĭt oei oei lăm hnam Kră Yang, lăm hnam pơtao Juđa păng pơlei tih Jêrusalem, đe huay kơ iŏk ba tơ char Babilôn.

Je 27:14

Apinh iĕm 'nĕ kơ mơ̆ng hŏ dôm nơ̆r lu bơngai khan lê̆ adrol khan: ‘Lu iĕm huay kơ chu jang kơ pơtao Babilôn. Noh tơdrong hơlĕnh đĕch mă lu sư khan lê̆ adrol kơ lu iĕm.”

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsai 28:14

Na mơ̆ng bĕ nơ̆r Kră Yang khan. Ơ lu bơngai juăt kơ pơjăm đe, lu bơngai pơgơ̆r kon pơlei âu lăm pơlei Jêrusalem.

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.

Êsêkiên 13:1

Đei nơ̆r Kră Yang khan kơ inh:

Êsêkiên 16:35

Na ơ bơngai pơm đi, athei mơ̆ng bĕ nơ̆r Kră Yang.