Êsêkiên 12:27 - Sơ̆p Hlabơar Nơ̆r 'Bok Kei-Dei

²⁷ Ơ kon bơngai, to adrĕch Isơrael đei pơma khan: ‘Tơdrong tơ'bôh mă sư đei 'bôh noh tơ'bôh lê̆ kơ đunh năr đơ̆ng rŏng ning-mônh; păng sư khan lê̆ adrol oei ataih tơ anăp kơnh.

Êsêkiên 12:27 Referans Kwoze

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

II Pet 3:4

“Lu sư kơtơ̆ng Yêsu khan wă jur dơ̆ng mă-lei tơ yơ 'bôh? Lu yă 'bok bơ̆n lôch đĭ-đăng boih, mă-lei tôm tơdrong oei hơnơ̆ng lei-lăi thoi plĕnh teh 'nao pơjing sơ̆ đĕch.”

Êsêkiên 12:22

“Ơ kon bơngai, đei nơ̆r pơđơ̆k lăm teh đak Isơrael thoi âu: “Khei 'năr đĭ hloh, thoi noh tơdrong tơ'bôh ưh pă sĭt! Nơ̆r noh wă khan kiơ?”

Êsêkiên 12:26

Đei nơ̆r Kră Yang khan kơ inh:

Êsêkiên 12:28

Thoi noh, athei khan kơ lu sư; 'Nâu nơ̆r Kră Yang Tih Hloh khan: Nơ̆r Inh pơma ưh pă lê̆ đunh boih, mă-lei nơ̆r Inh pơma gô pơsĭt, Kră Yang Tih Hloh đei khan thoi noh.’ ”

Da 8:26

Tơdrong tơ'bôh kơ inh gah kơsơ̆ păng gah pơgê hrôih mă đei roi tơbăt boih noh sĭt tơpă. Mă-lei ih athei wei mă hlơp tơdrong tơ'bôh noh, yua kơ sư 'bơm trŏ kơ lơ năr đơ̆ng rŏng kơnh.

Am 6:3

Lu iĕm pơm kơ năr pơmat khan roi ataih, mă-lei pơm ăn kơ tơdrong kơnê̆ rai jê̆ truh!