Êsêkiên 12:15 - Sơ̆p Hlabơar Nơ̆r 'Bok Kei-Dei

¹⁵ Lu sư gô băt Inh boih Kră Yang kơplah Inh pơm kơ lu sư tơklah tơklang oei tơ lăm lu adrĕch adrung jơ̆p lăm tơring char păng jơ̆p kơ teh đak.

Êsêkiên 12:15 Referans Kwoze

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Êsêkiên 39:28

Lu sư gô băt Inh boih Kră Yang 'Bok Kei-Dei lu sư, mă khan Inh ăn lu sư jing bơnă kơ lu dêh char, mă-lei iŏk wih lu sư tơ char lu sư kơdih, ưh kơ đei lê̆ minh 'nu bơngai bu oei tơ noh.

Êsêkiên 33:33

Mưh tơdrong 'nâu truh, gô truh tơpă, lu sư gô băt đei minh 'nu 'bok khan lê̆ adrol oei lăm lu sư.”

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 26:6

Lu kon pơlei sư oei tơ chŭn mir đe gô pơlôch hăm đao; păng lu sư gô băt Inh boih Kră Yang.

Êsêkiên 25:11

Inh gô phak lu Môap, na lu sư gô băt Inh boih Kră Yang.”

Êsêkiên 24:27

Năr noh, 'bơ̆r ih gô pơih pơma hăm bơngai mă kơdâu hlôi noh, ih ưh pă kơmlo dơ̆ng; ih jing pơm tơdra kơ lu sư păng lu sư gô băt Inh boih Kră Yang.”

Êsêkiên 14:18

Kră Yang Tih Hloh khan tơpă thoi Inh mă arih ling-lang, mă khan đei pêng 'nu drŏ-nglo noh oei lăm char noh, lu sư ưh kơ gơh pơklaih kon drŏ-nglo dah kon drŏ-kăn lu sư ôh, lu sư lăp gơh pơklaih kơdih akâu sư đĕch.

Êsêkiên 11:10

Lu iĕm gô pơ̆k lôch yua kơ đao; Inh gô sek tơlang phak lu iĕm tơ hơdral char Isơrael. Lu iĕm gô băt Inh boih Kră Yang.

Êsêkiên 7:4

Măt Inh ưh pă lăng 'mêm mơnat kơ ih păng ưh pă đei dŏng ih; Inh gô phak ih tơpă yua kơ lu tơdrong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 49:32

Plah tơgar iŏk, lu lăk-đa lu sư đe gô Kŭm plah tơgar iŏk lơ sem dơrong, triu lu sư. Inh gô pơm ăn kơ lu bơngai hơkôih sŏk kơ̆l, tơklah tơklang tơ jơ̆p-jang puăn pah teh đak. Inh gô ăn tơdrong truh pơrăm lu sư, đơ̆ng tăp dăr kơ lu sư. Noh Kră Yang khan.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.