Êsêkiên 11:10 - Sơ̆p Hlabơar Nơ̆r 'Bok Kei-Dei

¹⁰ Lu iĕm gô pơ̆k lôch yua kơ đao; Inh gô sek tơlang phak lu iĕm tơ hơdral char Isơrael. Lu iĕm gô băt Inh boih Kră Yang.

Êsêkiên 11:10 Referans Kwoze

II Pot 14:25

Sư pơdrâu iŏk đơ̆ng hơdral dêh char Isơrael đơ̆ng 'bơ̆t trong mơ̆t tơ Pơlei Libo Hamat truh tơ đak Dơsĭ Araba, kiơ̆ thoi nơ̆r Kră Yang 'Bok Kei-Dei đe Isơrael khan kơ Jôna đĭch đam Sư kon drŏ-nglo Amitai 'bok khan lê̆ adrol mă oei tơ Pơlei Gat Hepher.

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Je 39:6

Pơtao Babilôn pơlôch lu kon drŏ-nglo Sêđekia lăm pơlei Riblah, tơm măt Sêđekia; pơtao Babilôn kư̆m pơlôch đĭ-đăng lu yŏng kơdră adrĕch Juđa kiơ̆ kơ pơtao athei.

Êsêkiên 13:23

yua kơ tơdrong noh, lu iĕm gô ưh pă đei 'bôh tơdrong tơ'bôh hơlĕnh, păng ưh pă tơwir dơ̆ng. Inh gô pơklaih kon pơlei Inh rơngei đơ̆ng ti lu iĕm, na lu iĕm gô băt Inh boih Kră Yang.’ ”

Êsêkiên 13:21

Inh gô iŏk hek lê̆ che gom lu iĕm, na pơklaih kon pơlei Inh đơ̆ng tơpang ti lu iĕm, lu sư ưh pă jing tơmam lăm tơpang ti lu iĕm, chă lua rôp dơ̆ng, na lu iĕm gô băt Inh boih Kră Yang.

Êsêkiên 13:14

Inh gô pơrăm dur mă lu iĕm bah chŭr, dur gô hơlih păk tơ teh, jơ̆ng sư prưk tơ 'nguaih mưh dur păk hơlih, lu iĕm gô lôch răm hơdai lăm noh; na lu iĕm gô băt Inh boih Kră Yang Tih Hloh.

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

Jôsuê 13:5

Char Gêbilit păng đĭ char Liban tơ gah măt 'năr lĕch, đơ̆ng Baal Gat ala kơ jơ̆ng kông Hermôn, truh Hamat,