Êsêkiên 10:4 - Sơ̆p Hlabơar Nơ̆r 'Bok Kei-Dei

⁴ Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Êsêkiên 10:4 Referans Kwoze

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Êsêkiên 9:3

Na tơdrong rang mơnhal Kră Yang 'Bok Kei-Dei Isơrael tŏk đơ̆ng chêrubim, đơ̆ng anih Sư oei, năm truh 'bơ̆t 'măng hnam akŭm. Na Kră Yang krao bơngai hrŭk ao che 'bui mă bĕng kơdŭng 'long chih đak mơ̆k,

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.

Êsêkiên 10:18

Tơdrong ư-ang rang mơnhal Kră Yang lĕch đơ̆ng anăp 'măng hnam akŭm na dơ̆ng tơ kơpal lu chêrubim.

Le 40:35

dĭng mah Môis ưh kơ gơh kơ mơ̆t lăm Bơsŭn Anih Akŭm, yua kơ hơmơ̆l tơdrong hơdah rang mơnhal Kră Yang 'bĕnh kơ Bơsŭn.

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Êsêkiên 43:5

Yang bơhngol hơtŏk inh păng chông ba inh mơ̆t tơ cham gah lăm; to tơdrong rang mơnhal Kră Yang 'Bok Kei-Dei 'bĕnh-'bang kơ hnam akŭm.

Jo 16:19

Kơplah Kôrê pơtơm akŭm, lu kon pơlei iung pơma blah Môis păng Arôn 'bơ̆t 'măng Bơsŭn Anih Akŭm; tơdrong rang hơdah Kră Yang pơchrang kơ đĭ-đăng khŭl kon pơlei akŭm.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Êsêkiên 44:4

Đơ̆ng noh sư chông ba inh mơ̆t 'măng gah yă-nơ̆m tơ cham gah lăm 'bơ̆t anăp hnam akŭm. Inh lăng âu bơih, tơdrong ư-ang rang mơnhal Kră Yang 'bĕnh jơ̆p kơ hnam akŭm Kră Yang; na inh drap kŭp kơ̆l kơkuh.