Êsai 9:19 - Sơ̆p Hlabơar Nơ̆r 'Bok Kei-Dei

¹⁹ Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Êsai 9:19 Referans Kwoze

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Mi 7:6

Yua kơ kon drŏ-nglo pơm kơnê̆ kơ 'bă sư, kon drŏ-kăn hil blah mĕ sư, mŏ mai ayăt hăm tơnei drŏ-kăn sư. Păng bơngai ayăt lu sư noh jơ̆ lăm hnam dơnŏ lu sư kơdih.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Jang 2:20

Măt 'năr jing măng mu, măt khei wă jing thoi pham, hơdrol kơ năr 'lơ̆ng, năr đe pơư pơang anăn 'Bok Kei-Dei tam mă truh.

Mathiơ 27:45

Lăp 'năr dơ̆ng, glĭp măng mu jơ̆p kơ teh đak truh tơ pêng jơ kơsơ̆.

Am 5:18

Răm-'băm dêh kơ lu iĕm mă chang gô năr Kră Yang! Lu iĕm chang gô năr Kră Yang wă pơm kiơ? Noh năr măng mu, ưh kơ trŏ năr hơdah ôh.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Êsêkiên 9:5

Inh kơtơ̆ng Kră Yang khan kơ lu bơngai nai: “Athei năm kiơ̆ đơ̆ng rŏng bơngai noh, năm pơlôch jơ̆p pơlei, iĕm 'nĕ lăng mơnat.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Êsai 60:2

Măng mu gô gom jơ̆p kơ teh đak păng măng klăm gô klơ̆p lu kon pơlei. Mă-lei Kră Yang gô pơchrang tơ kơpal ih păng tơdrong ư-ang Sư gô tơ'bôh tơ kơpal ih.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 13:18

Lu sư gô pơlôch lu adruh tơdăm hăm hră; ưh kơ mơnat ôh kơ lu nge oei lăm klak, măt lu sư kư̆m ưh kơ 'blŏk mơnat kơ lu đe hơ'lơ̆p.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 13:9

'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Êsai 1:31

Bơngai pran jing thoi kơđoh 'long kro, tơdrong jang sư thoi lĕ pla ŭnh, đĭ kơ bre sư ŭnh gô sa pơđĭ, ưh kơ đei bu kĕ pĭt.

Êsai 3:5

Kon pơlei pơjuă pơđep băl tơduă, rim 'nu tơblah băl, tơduă rông 'bôt tơblah băl, lu hơ'lơ̆p pơrăm lu kră. Lu bơngai răm-'băm pơm plơ̆ kơ lu bơngai mă đe ư-ang.

Êsai 4:4

Kră Yang gô ôp hơrao tơdrong pơm 'mê̆-'mach lu bơngai lăm Siôn, sek tơlang chhut rơgoh đĭ pham lăm pơlei Jêrusalem hăm Tơdrong Mơsêh Sư.

Êsai 5:24

Lei na nhen thoi pla ŭnh sa tơm hơnong 'ba, thoi 'nhĕt kro mơ̆t lăm pla ŭnh. Na rơh lu sư kư̆m bŭk hĕch păng pơkao plei lu sư đông thoi 'mui teh; yua kơ lu sư sơngah tŭk lê̆ khôi juăt Kră Yang Tih Hloh păng pơjăm nơ̆r Kră Yang 'Lơ̆ng Rơgoh Isơrael.

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Êsêkiên 20:47

Khan bĕ kơ lu bri kơdrơ̆ng gah gơal. Mơ̆ng bĕ nơ̆r Kră Yang: 'Nâu nơ̆r Kră Yang khan: 'Nâu Inh gô tơkuh ŭnh soh lăm tŏk-bŏk lu iĕm, ŭnh gô sa đĭ-đăng lu 'long hơdrih păng lu 'long kro. Ŭnh khơ̆ng ưh kơ đei păt, muh măt rim 'nu lu bơngai lăm char gah gơal truh tơ char gah yă-nơ̆m ŭnh sa khôi đĭ.

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Ob 1:18

Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.

Sa 11:6

Kră Yang khan: “Yua kơ Inh ưh pă 'mêm boih kơ kon bơngai lăm teh âu; mă-lei 'nâu, Inh gô jao rim 'nu bơngai kơ lu rông 'bôt sư kơdih păng lăm ti pơtao lu sư; lu sư gô blah pơjuă teh đak, Inh ưh kơ đei pơklaih lu sư đơ̆ng ti đe noh ôh.”

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Sa 11:9

Inh khan thoi âu: “Inh ưh pă jing bơngai wei triu lu iĕm boih. Triu ayơ lôch, lôch bĕ; triu ayơ hiong, hiong bĕ. Bê̆ mă triu oei đei tơkăp tơsa băl tơduă, triu âu sa triu noh.”