Êsai 9:14 - Sơ̆p Hlabơar Nơ̆r 'Bok Kei-Dei

¹⁴ Kơ̆l noh jơ̆ lu 'bok kơdră păng lu bơngai đe pơyom, kiĕng noh jơ̆ lu bơngai khan lê̆ adrol bơtho tơdrong hơlĕnh.

Êsai 9:14 Referans Kwoze

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”

Êsai 19:15

Đe pă đei gơh pơm kiơ lăm dêh Êyiptơ, mă khan kơ̆l dah kiĕng. Dơng gao dah gơlar.

Tơdrông Tơ'bôh 18:17

Lăm minh jơ đĕch ưh kơ đunh, dôm tơmam 'lơ̆ng tơmam rŏ noh hiong đĭ boih. Dôm lu kră pơgơ̆r lăm duk, lu bơngai jang lăm duk, dôm lu bơngai hao thŏng-nan năm găn đak dơsĭ chă mơdro sa, lu sư tơmang pơlei mă ŭnh sa ei đơ̆ng ataih.

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”

Am 7:17

Yua kơ inh khan thoi noh na Kră Yang khan dơ̆ng thoi âu: Akăn ih gô pơm đi tơ lăm pơlei tih; kon drŏ-nglo păng kon drŏ-kăn ih gô lôch kơ đao gưm, teh đak ih gô klah asong pơtŏ păng tơlei, gah ih, ih gô lôch lăm teh đak 'mê̆-'mach păng Isơrael gô pơm đĭch tơ dêh đe.

Am 6:11

Yua kơ Kră Yang khan boih, lu hnam tih gô păk hơlŭng răm đĭ, hnam iĕ gô pơchah reng 'beng.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Hôsia 13:3

Thoi noh lu sư nhen thoi tŭk pơgê hrôih kư̆m thoi iĕ kơ đak ngom pơgê 'bônh kơ hrĕng, kư̆m thoi hơkam ba kial bơbơ̆t đơ̆ng anih juă 'ba, thoi 'nhui lĕch đơ̆ng 'măng-'mŏk.

Hôsia 10:15

Ơ Bethel đe kư̆m gô pơm kơ lu iĕm thoi noh, yua kơ tơdrong yoch kơnê̆ lu iĕm tih dêh. Đe gô pơlôch Pơtao Isơrael lăp 'brưch hơdah til pơgê lăm năr noh kơnh.

Hôsia 8:8

Đe luăn sa bơngai Isơrael boih, dang ei lu sư oei tŏk-bŏk hăm kon bơngai thoi pơnhan tơmam ưh kơ gĭt.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Hôsia 1:9

Kră Yang khan kơ Hôsia: “Anăn bĕ sư Lôami, yua kơ lu iĕm ưh pă jing kon pơlei Inh dơ̆ng boih, noh wă khan Inh kư̆m ưh pă jing Kră Yang 'Bok Kei-Dei lu iĕm dơ̆ng.”

Hôsia 1:6

Akăn sư anăp dơ̆ng na tơpŭ ăn kơ sư minh 'nu kon drŏ-kăn, na Kră Yang khan kơ Hôsia: “Ih krao anăn sư Lôruhama, yua kơ Inh ưh pă đei 'mêm mơnat dơ̆ng boih kơ adrĕch Isơrael, wă kơ Inh kư̆m ưh pă mơnat pơklaih tơdrong yoch kơnê̆ lu sư dơ̆ng.

Hôsia 1:4

Na Kră Yang khan kơ sư: “Athei krao anăn sư Jêsreel, yua kơ ưh pă đunh dơ̆ng boih, Inh gô phak adrĕch Jêhu yua kơ pham lu bơngai sư pơlôch tơ Jêsreel păng Inh gô pơtôch lê̆ dêh char Isơrael.

Êsai 30:13

Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.

Êsai 10:17

Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Je 6:21

Yua kơ thoi noh Kră Yang khan: “'Nâu Inh gô găn anăp lu sư wă kơ lu sư pơ̆k. 'Bă păng kon drŏ-nglo lu sư gô răm; buăl juăt rông 'bôt lu sư gô lôch hiong đĭ.”

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Nhom 4:16

Tơdrong hil blĕk Kră Yang pơm ăn kơ lu sư tơklah tơklang, sư ưh pă hue lăng dơ̆ng. Lu sư ưh pă pơyom kơ 'bok soi, Kŭm pă đei hli yom kơ bơngai kră.