Êsai 9:12 - Sơ̆p Hlabơar Nơ̆r 'Bok Kei-Dei

¹² Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:12 Referans Kwoze

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

II Ho 28:18

Kon pơlei Philistin kư̆m iung blah lu pơlei lăm tơring kông groi păng tơring tơ gah gơal lăm char Juđa. Kŭm blah iŏk pơlei Bêt Sêmes, Aijalôn, Gêđêrôt, Sôkô hăm lu pơlei jê̆ noh, Timna păng lu pơlei jê̆ sư, Gimsô păng lu pơlei kiơ̆ jê̆ sư, na lu bơngai Philistin oei hloi tơ noh.

Horiso 79:7

Yua kơ lu sư luăn sa boih adrĕch Jakôp, păng pơrăm tơhiong boih teh tơring sư oei.

II Pot 16:6

'Blep kơplah noh, pơtao đe Eđôm blah iŏk Pơlei Êlat pơdrâu kơ Eđôm; sư blah puh lê̆ lu bơngai Juđa đơ̆ng pơlei Êlat, na lu bơngai Eđôm năm tơ Pơlei Êlat, oei hloi tơ noh dĭng truh dang ei.

Je 10:25

Tuh bĕ tơdrong Ih hil mĭl kơ lu dêh char, Lu dêh char mă ưh kơ băt kơ Ih, Păng lu adrĕch adrung mă ưh kơ krao khan hăm anăn Ih. Yua kơ lu sư pơrăm boih Jakôp, Lu sư pơlôch pơrăm sư, Lu sư pơrăm dêh char sư.

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Je 35:11

Mă-lei tơdah Nebukatnessar pơtao Babilôn năm blah char nhôn, lu nhôn pơtơm băl: ‘Bĕ lu bơ̆n năm mơ̆t tơ pơlei tih Jêrusalem, wă klaih đơ̆ng lu linh bơngai Kalđê păng linh Aram.’ Lei na lu nhôn oei lăm pơlei Jêrusalem.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Êsai 11:14

Mă-lei lu sư gô jur năm pơm kơ Philistin tơ gah bơmơ̆t, lu sư wang plah tơgar iŏk pơlei teh đak gah hơlĕch, lu sư yơ̆r ti pơm kơ Eđôm păng Môap, Ammôn gô chu kơ lu sư.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Êsêkiên 16:27

'Nâu Inh yơ̆r ti blah ih, iŏk lê̆ tơmam đơ̆ng ăn kơ ih păng pơjao ih kơ lu bơngai ayăt areh kơ ih, lu kon drŏ-kăn Philistin, lu bơngai mă kơdơ̆ mơlâu yua kơ tơdrong ih pơm pơyô kư̆ kă.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Je 15:7

Inh gô um pơliĕng lu sư hăm kial 'bơ̆t lu 'măng jang pơlei lăm teh âu, Inh gô săi lê̆ lu sư tơ jơ̆p kơ pơlei, Inh gô pơrăm lê̆ kon pơlei pơla Inh, yua kơ lu sư ưh kơ weh đơ̆ng trong yoch, na wih tơ Inh.

Hôsia 7:10

Tơdrong pơang lu bơngai Isơrael pơdah tơbăt boih 'bơ̆t anăp lu sư kơdih, lu sư đei tơ'bơ̆p dôm tơdrong noh ră, mă-lei lu sư ưh kơ wă wih brŏk tơ Kră Yang 'Bok Kei-Dei lu sư kơdih, păng kư̆m ưh kơ chơchă Kră Yang.

Am 4:6

Bê̆ gah inh, inh ăn boih pơngot rơwĕt tơ lăm rim pơlei lu iĕm păng pơm ăn tơpŭng sa ưh kơmah, tơ lăm rim anih lu iĕm oei. Mă-lei ră lu iĕm kư̆m ưh kơ wă wih brŏk tơ inh! Kră Yang khan thoi noh.

Am 4:8

Thoi noh, bơngai lăm 'bar pêng tŏ pơlei tih năm tơ minh pôm pơlei chă đak wă nhă, mă-lei nhă ưh kơ hrăp ôh. Mă-lei lu iĕm kư̆m ưh kơ wă wih brŏk tơ inh 'mơ̆i, Kră Yang khan thoi noh.

Am 4:9

Inh yua boih kial tŏ păng hơdrông sa 'ba wă bơtho lu iĕm. Đei lơ mir pơgar 'nhot, pơgar hơmu, 'long hơra, 'long ôliwơ lu iĕm đĭ kơ lep sa pơgoh. Mă-lei lu iĕm kư̆m ưh kơ wă wih brŏk tơ Inh 'mơ̆i Kră Yang khan thoi noh.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Jêphania 3:2

Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.