Êsai 9:11 - Sơ̆p Hlabơar Nơ̆r 'Bok Kei-Dei

¹¹ Kon pơlei Siri, tơ anăp, kon pơlei Philistin gah rŏng ha 'bơ̆r gô luăn sa Isơrael, mă đơ̆ng lei ră, tơdrong Kră Yang hil ưh kơ ngach ôh păng ti Kră Yang oei yơ̆r tơ kơpal pơm kơ lu sư.

Êsai 9:11 Referans Kwoze

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

Êsai 7:1

Lăm chăl Ahas kon Jôtham, sâu Usia pơtao char Juđa, đei Rêsin, pơtao dêh char Siri păng Pêka kon Rômalia pơtao Isơrael, tŏk blah pơlei Jêrusalem mă-lei ưh kơ kĕ.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!