Êsai 8:22 - Sơ̆p Hlabơar Nơ̆r 'Bok Kei-Dei

²² Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Êsai 8:22 Referans Kwoze

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Jop 18:18

Đơ̆ng anih hơdah đe klơ̆m lê̆ sư tơ lăm anih măng mu, păng puh tơweh sư đơ̆ng teh đak lu bơngai arih.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Je 23:12

“Thoi noh trong lu sư yak jing rơbơ̆r, Inh gô pơpuh lu sư tơ lăm măng mu, păng gô pơ̆k 'bĭch hloi tơ noh. Truh boih sơnăm Inh wă sek phak lu sư, Inh pơrăm lu sư.” Noh Kră Yang khan.

Êsai 9:1

Kon pơlei năm lăm măng mu 'bôh bơih tơdrong hơdah tih; păng tơdrong hơdah pơchrang bơih kơ lu bơngai oei lăm dêh măng mu gueo.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Tơdrông Tơ'bôh 16:10

Linh jang mă pơđăm tuh đak pơgang đơ̆ng pơnhan sư tơ kơpal tang-dŏ sem brem mă kơnê̆ ei, na jơ̆p kơ teh đak sem ei pơgơ̆r jing măng mu. Đĭ-đăng kon bơngai nhơ̆m hmoi tơkăp hơpiĕt kơdih kơdih yua kơ lu sư jĭ dêh trŏ hơkăm pơgang noh.

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 50:11

'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Êsai 59:9

Lei na tơdrong tơpăt hơnơ̆ng ataih kơ lu bơ̆n, tơdrong 'lơ̆ng tơpăt kư̆m ưh kơ kĕ truh jê̆ lu bơ̆n. Lu bơ̆n chang tơdrong hơdah mă-lei 'nâu tă tơ tơdrong măng mu, lu bơ̆n chang tơdrong hơdah hơdong mă-lei yak năm lăm tơdrong măng mu.

Le 10:21

Kră Yang khan kơ Môis: Athei yơ̆r ti ih tơ plĕnh, wă kơ tơ jơ̆p-jang dêh Êyiptơ đei tơdrong măng mu hơ'bơ̆l gueo truh kơ lu sư chă hơbơ̆ pă bang,

Le 10:22

Na Môis yơ̆r ti sư tơ plĕnh, đei măng mu măng klăm gueo dêh hloi lăm pêng năr tơ dêh Êyiptơ;

Êsai 50:3

Inh pơhrŭk ăn kơ plĕnh hăm tơdrong măng mu, păng klơ̆p gom lê̆ sư hăm minh blah 'bi.”

Êsai 60:2

Măng mu gô gom jơ̆p kơ teh đak păng măng klăm gô klơ̆p lu kon pơlei. Mă-lei Kră Yang gô pơchrang tơ kơpal ih păng tơdrong ư-ang Sư gô tơ'bôh tơ kơpal ih.