Êsai 8:19 - Sơ̆p Hlabơar Nơ̆r 'Bok Kei-Dei

¹⁹ Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Êsai 8:19 Referans Kwoze

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Êsai 29:4

Inh gô tơjur lê̆ ih tơ ala, ih gô pơma đơ̆ng ala teh sŭng, nơ̆r ih pơma thơ-thâm lĕch đơ̆ng lăm 'mui teh, thoi nơ̆r hơtâu nơ̆r ih pơma klĕch đơ̆ng lăm teh re thoi nơ̆r pơma sôm mơrôm,

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

I Sam 28:8

Sôl sư pơm wă kơ đe ưh kơnăl hrŭk ao nai, năm chông ba 'bar 'nu bơngai kiơ̆, năm truh tơ hnam bơngai drŏ-kăn kơmăng, Sôl khan: Apinh ih krao tơgŭm ăn kơ inh tơdrong wă truh păng krao bơhngol bơngai lôch mă inh gô roi kơ ih.

Both 18:11

bơngai juăt kơ chă hơlĕnh, chă pơma hăm lu yang, chă pơma hăm atâu.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 1:3

Mă-lei linh jang 'lơ̆ng Kră Yang khan kơ Êli bơngai Tisbit thoi âu: “Iung bĕ năm tơ'bơ̆p lu bơngai mă 'bok pơtao đe Samari wơh păng khan kơ lu sư: ‘Lăm Isơrael ưh kơ đei Kră Yang 'Bok Kei-Dei hă na iĕm năm jet apinh yang Baal Sêhup, yang Pơlei Ekrôn noh?’

II Pot 23:24

Jôsia kư̆m pơrăm pơpuh lê̆ đĭ lu bơngai pơjâu krao bơhngol bơngai lôch păng lu pơjâu tơwir, lu rup yang kơdih rim hnam păng lu rup yang hăm đĭ-đăng lu tơdrong kơnê̆ 'mê̆-'mach mă Kră Yang areh đei 'bôh lăm char Juđa păng tơ Pơlei Jêrusalem, wă pơm kiơ̆ kơjăp tơdrong juăt đei chih bơih lăm sơ̆p hla bơar mă 'bok soi Hilkia đei chă 'bôh đơ̆ng lăm hnam akŭm kơkuh kơ Kră Yang.

I Sam 28:16

Samuel tơl: Yua kơ kiơ ih krao inh, yua kơ Kră Yang achăng lê̆ ih boih na jing ayăt kơ ih?

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

I Sam 28:11

Bơngai drŏ-kăn jet: Inh krao bơngai bu 'bơ̆t anăp ih? Sôl tơl: Krao Samuel tŏk tơ âu.

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Bl 41:24

Na tơpơh hơie 'ba bo noh luăn pơđĭ lê̆ tơpơh hơie 'ba akâu noh. Inh đei roi boih kơ lu bơngai hơgei juăt kơ tơblang ră, mă-lei ưh kơ đei bu gơh tơblang.

Êsai 26:14

Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.

Êsai 30:2

Lu sư ưh tam mă apinh Inh, mă đĭ jur năm bơih tơ dêh char Êyiptơ, wă gơnang kơ Pharaôn bơwei dŏng lu sư, păng kơ'nơp lăm yơ̆p Êyiptơ!

Êsai 45:11

Kră Yang Tơ'ngla 'lơ̆ng rơgoh đe Isơrael Tơ'ngla Pơjing khan thoi âu: “Yua kơ lu iĕm jet Inh, gah tơdrong gô truh kơ kon pơlei Inh, gah tơdrong jang đơ̆ng ti Inh.

Êsai 47:12

Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?

Êsai 47:13

Jơhngơ̆m ih gleh glăn yua kơ đơ̆ng iĕm chă pơđâu tơ'bôh lơ tơdrong. Iung bĕ ơ lu bơngai mă băt hlôh gah plĕnh, lăng sơnglŏng, lăng khei tơ'bang blŭng-a, na tơng khan lê̆ adrol. Lê̆ lu sư pơklaih ih đơ̆ng dôm tơdrong gô truh kơ ih 'noh.

Je 27:9

Bĕ iĕm, iĕm 'nĕ pă mơ̆ng lu bơngai khan lê̆ adrol iĕm, lu pơjâu chă pơma hăm Yang păng pơjâu juăt tơlang tơdrong apo, lu pơjâu chă pơma hăm atâu, lu 'bok lăng tơdra sơnglŏng păng đĭ lu pơjâu hơlĕnh kơ lu iĕm khan: ‘Lu iĕm ưh kơ đei pơm đĭch bơ̆jang kơ pơtao Babilôn ôh.’

Mi 5:12

Inh gô pơrăm lu rup yang păng lu gơ̆ng soi đêl lu iĕm man. Na lu iĕm ưh pă đei bon kơkuh dơ̆ng.

Both 18:10

Mă-lei iĕm 'nĕ kơ đei bơngai bu pơyơ̆r kon drŏ-nglo kon drŏ-kăn sư 'buh arih pơm tơmam soi, kơ yang, 'nĕ kơ pơm bơngai chă tơng lăng, bơngai mă juăt lăng sơnglŏng khan lê̆ adrol tơdrong wă truh, bơngai pơjâu tơwir,

I Sam 28:7

Sôl khan kơ lu đĭch đam sư: Chơchă kơ inh minh 'nu bơngai drŏ-kăn pơjâu inh gô năm apinh sư, lu đĭch đam tơl: Tơ Ênđôr đei minh 'nu bơngai drŏ-kăn pơjâu.