Êsai 8:18 - Sơ̆p Hlabơar Nơ̆r 'Bok Kei-Dei

¹⁸ Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Êsai 8:18 Referans Kwoze

Luka 2:34

Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Horiso 71:7

Inh nhen tơmam pơm hlĭch kơ lơ bơngai, mă-lei Ih jơ̆ anih inh kơ'nơp kơjăp.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Horiso 22:30

Minh adrĕch adrung gô bơ̆jang kơ Sư; Đe gô roi tơdrong Kră Yang kơ adrĕch adrung đơ̆ng rŏng.

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 7:16

Na hơdrol kơ hơ'lơ̆p ei băt tŭk tơdrong kơnê̆ păng rơih iŏk tơdrong 'lơ̆ng, teh đak 'bar 'nu pơtao mă ih hli noh gô jing juơ.

Êsai 14:32

Wă tơl tơwih liơ kơ bơngai pơtruh nơ̆r đơ̆ng minh pôm teh đak? Tơl tơwih khan: “Kră Yang pơjing kơjăp bơih Siôn păng lu kon pơlei Sư mă ơh sơ'ngon pơmat-tat gô kơ'nơp lăm noh.”

I Ho 23:25

Yua kơ noh Đawit đei khan: Kră Yang 'Bok Kei-Dei Isơrael đei ăn tơdrong hiôk-hian kơ kon pơlei Sư păng Kră Yang oei tơ Jêrusalem ling-lang.

Hêbrơ 10:33

Kơplah noh sơ̆ đe che bơle pơ'brơh pơm kơnê̆ kơ lu iĕm 'bơ̆t anăp đe kon pơlei pơla, na lu iĕm mă hlôi hlăi boih, iĕm băt kơ năm pơlung lu bôl iĕm mă đe oei pơmat.

Êsai 7:3

Kră Yang khan kơ Êsai: “Ih hăm kon drŏ-nglo ih Sêar Jasup năm sơng bĕ Ahas 'bơ̆t tôch kơ hơbong đak ro mơ̆t tơ Dơnâu Kơpơ̆ng, trong năm tơ dơnih đak bơngai tong brai.

Êsêkiên 14:8

Inh gô blah plơ̆ bơngai noh, wă pơm kơ sư jing tơdra, minh tơdrong wă kơ đe đei nơ̆r hơmoch. Inh gô pơpuh lê̆ lu sư đơ̆ng kon pơlei Inh. Na lu iĕm gô băt Inh boih Kră Yang.

Êsai 8:3

Klaih kơ noh inh năm oei tơ hnam drŏ-kăn bơngai khan lê̆ adrol, sư anăp păng tơpŭ kon drŏ-nglo, na Kră Yang khan kơ inh: Ih anăn sư noh Maher-Salal-Hasbas.

Bl 33:5

Đơ̆ng noh Êsâu hue lăng 'bôh lu drŏ-kăn păng lu hơ'lơ̆p apinh lu đe bu to mă kiơ̆ oh noh? Sư tơl: Lu kon hơ'lơ̆p inh đĭch đam 'nhŏng mă đơ̆ng Kră Yang 'Bok Kei-Dei ăn.a

Both 28:46

Lu tơdrong hiap pơtê̆ 'nâu gô oei đom tơ lăm akâu jăn păng oei tơ lăm adrĕch adrung iĕm nhen thoi tơdra tơ'blŏk trăp, ling-lang hlŏng hloi.

Êsai 20:3

Kră Yang khan: “Thoi đĭch đam Inh Êsai năm akâu hoh păng yak jơ̆ng hoh lăm pêng sơnăm wă pơm tơdra tơ'bôh wă blah teh đak Êyiptơ păng Kus.

Je 44:29

Kră Yang khan: “'Nâu boih tơdra Inh wă phak iĕm lăm anih 'nâu, wă kơ lu iĕm băt Inh sĭt tơpă gô ăn tơdrong răm truh tơ lu iĕm.”

Êsêkiên 4:3

Ih iŏk minh hlak gŏ bơsei, pơdơ̆ng pơm thoi dur bơsei sơlam ih păng pơlei; na ih tơwih muh măt gah pơlei noh ih pơm thoi đe oei wang tăp kơ pơlei noh. Noh tơdrong tơdra kơ bơngai Isơrael.

Êsêkiên 12:6

'Bơ̆t lu sư oei lăng ih athei tôi tơmam ih kơpal hơngiĕng, na yak năm lăm kơsơ̆ măng. Athei gom lê̆ muh măt ih wă huay kơ 'bôh teh đak âu yua kơ Inh pơm kơ ih jing tơdra kơ lu adrĕch Isơrael.”

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Luka 2:18

Lu đe wang hlĭch hlăch kơtơ̆ng lu bơngai wei triu ră roi tơdrong noh.